29:163  ies  SERMON  CXCV.  164  de  toutes  les  autres  estoilles,  c'est  a  dire,  que  toute  sa  maison  seroit  humiliee  sous  luy  et  assuiettie,  que  son  espie  auroit  preeminence,  et  que  tous  les  autres  espies  seroyent  abbatus:  voire  d'autant  que  Dieu  avoit  decrete  cela  en  son  conseil.  Et  ainsi,  nous  voyons  quand  tout  le  monde  cuide  mettre  Ioseph  iusques  aux  abysmes,  que  Dieu  l'exalte  en  despit  des  hommes.  Et  voila  comme  Dieu  subvient  aux  siens  d'une  facon  admirable.  Si  nous  regardons  nostre  condition  telle  qu'elle  apparoist  a  la  veue  des  hommes,  il  semble  que  nous  soyons  comme  reiettez,  il  semble  que  la  mort  nous  menace,  et  que  nous  en  soyons  de  tous  costez  assiegez:  il  semble  qu'a  chacune  minute  de  temps  nous  devions  estre  accablez,  que  nous  devions  estre  mangez  du  tout.  Voila  comme  nous  en  sommes.  Mais  Dieu  qui  nous  a  sanctifiez  a  soy,  qui  nous  a  cachez  sous  l'ombre  de  ses  aisles,  quand  nous  mettrons  nostre  confiance  en  luy,  que  nous  y  aurons  nostre  refuge,  il  nous  monstrera  que  ce  n'est  point  en  vain  que  nous  sommes  benits  de  luy:  et  qu'il  nous  a  tellement  separez,  que  quand  toute  la  terre  seroit  esmeue,  et  que  les  afflictions  nous  seroyent  communes,  et  que  nous  fussions  enveloppez  parmi  la  malediction  des  meschans:  toutesfois  qu'il  nous  maintiendra  par  sa  grace,  et  qu'au  milieu  de  la  mort  tousiours  il  trouvera  le  moyen  de  nous  retirer  a  salut.  Voila  donc  ce  que  nous  avons  a  noter,  quand  Ioseph  est  appelle  Nazarien  entre  ses  freres.  Que  si  nous  avons  quelque  avantage,  quelque  privilege,  si  nous  sommes  exempts  de  quelque  peril,  si  nous  sommes  enrichis  de  quelques  biens,  soit  pour  le  corps,  soit  pour  l'ame,  que  tout  cela  nous  procede  de  ce  que  Dieu  nous  a  sanctifiez  et  choisis  a  soy,  et  qu'il  nous  en  faut  attribuer  la  louange  a  sa  pure  liberalite.  Et  afin  que  ces  choses  soyent  tenues  tant  plus  certaines,  il  est  dit,  que  ceci  viendra  sur  la  teste  de  Ioseph.  Moyse  donc  declare  que  tout  ceci  n'est  point  un  son  qui  s'esvanouis8e  en  l'air:  mais  que  Dieu  donnera  effect  a  sa  parolle,  que  ea  benediction  sera  espandue  sur  le  lignage  de  Ioseph.  Car  par  cela  il  nous  asseure,  comme  s'il  disoit:  Non,  ie  parle  ici  au  Nom  de  Dieu,  qu'on  n'estime  point  qu'a.  l'aventure  ie  devine  ce  qui  pourroit  estre:  car  Dieu  accomplira  tout  ceci  sur  la  teste  de  Ioseph,  c'est  a  dire,  en  sa  personne,  ou  de  ses  enfans.  Car  il  est  question  ici  de  ceux  qui  sont  descendus  de  sa  race.  Dieu  donc  monstrera  par  effect  que  c'est  luy  qui  a  parle  par  ma  bouche,  que  c'est  luy  qui  a  declare  ce  qu'il  avoit  conclud  en  son  conseil  auparavant.  Or  en  la  fin  il  accompare  aussi  sa  beaute  a  un  ieune  taureau,  et  a  une  licorne:  ponr  monstrer  que  non  eeulemement  il  aura  nourriture  en  abondance  mais  qu'il  aura  force  pour  resister  a  ses  ennemis'  et  qu'il  sera  conserve.  Car  nous  savons  qu'il  y  a'