27:163  163  SERMON  LXXXI.  164  suyvre,  ne  vous  conformez  point  a  leur  exemple  :  mais  prenez  une  seule  reigle,  c'est  assavoir  celle  que  vostre  Dieu  vous  ordonnera.  Or  ceci  est  bien  a  noter:  car  quand  nous  aurons  condamne  l'idolatrie,  nous  ne  laisserons  pas  cependant  d'imaginer  que  Dieu  veut  bien  qu'en  son  honneur  on  face  tout  ce  qu'auront  fait  les  incredules:  et  on  le  voit  par  ce  qui  est  advenu  en  la  Papaute.  Quand  l'Evangile  a  este  presche  au  monde,  on  n'a  pas  laisse  de  mesler  toutes  les  corruptions  des  Payens  parmi  le  vray  seryice  de  Dieu.  Et  qui  a  este  cause  de  cela?  Les  Payens  avoyent  leurs  pelerinages.  Or  on  a  bien  cogneu  que  c'estoit  un  abus  diabolique:  mais  on  ne  l'a  point  aboli,  on  l'a  change  seulement.  Au  lieu  qu'on  alloit  en  pelerinage  a  un  tel  idole,  on  ira  maintenant  a  nostre  dame  de  Laurette,  on  ira  au  sainct  suaire,  on-  ira  a  S.  Michel,  on  ira  a  S.  Iaques,  on  ira  visiter  le  sainct  sepulchre.  On  devoit  racler  tout  ce  qui  avoit  este  ainsi  introduit  par  Satan:  et  au  lieu  de  cela,  on  l'a  change.  Quand  on  a  veu  que  les  Payens  faisoyent  quand'  chere,  et  qu'ils  avoyent  tant  de  festins,  et  si  gras  en  l'honneur  de  leurs  idoles:  O!  il  ne  faut  plus  ainsi  faire,  car  ce  seroit  servir  au  Diable:  mais  qu'un  chacun  face  la  dedicace  de  sa  parroisse,  qu'on  ioue,  qu'on  danse,  qu'on  se  creve,  et  le  tout  en  l'honneur  de  Dieu:  et  puis,  qu'un  chacun  ait  son  patron,  et  qu'on  l'adore.  Et  au  lieu  qu'il  y  avoit  des  festes  solennelles  entre  les  Payens,  il  en  a  fallu  introduire  d'autres.  O  il  est  vray  qu'on  ue  fera  plus  cela  en  l'honneur  de  cest  idole:  mais  on  fera  la  sainct  Martin,  et  alors  qu'on  danse,  qu'on  s'enyvre,  c'est  tout  un,  moyennant  que  tout  se  face  en  l'honneur  de  Dieu.  Apres  les  Payens  avoyent  accoustume  de  faire  la  feste  de  tous  esprits:  et  nous  changerons  de  mot,  nous  aurons  le  iour  de  toutes  ames.  Apres,  les  Payens  ont  eu  un  temple  qui  se  nommoit  de  tous  les  dieux:  et  nous  le  nommerons  de  tous  les  saincts.  O  voila  le  Pape  qui  a  pense  faire  un  acte  digne  de  memoire,  et  Angelique,  comme  aussi  les  Papistes  s'en  savent  bien  vanter.  Car  voila  un  temple  qui  se  nomme  De  tous  les  dieux.  Et  comment?  nous  n'avons  qu'un  Dieu,  il  ne  faut  point  que  cela  demeure  en  telle  sorte:  mais  il  faut  changer  le  mot:  qu'au  lieu  que  les  Payens  ont  eu  un  temple  De  tous  leurs  dieux,  nous  en  ayons  un  De  tous  les  saincts,  et  que  la  feste  soit  adioustee  quant  et  quant.  Apres,  quand  on  a  veu  que  les  Payens  avoyent  des  sacrifices,  il  a  bien  fallu  aussi  avoir  des  Messes  qui  ont  este  mises  au  lieu.  Sur  cela  on  a  regarde  que  les  Payens  avoyent  leurs  ablutions:  il  a  fallu  aussi  avoir  l'eau  benite.  Brief  toutes  les  ordures,  et  souilleures  qui  ont  este  entre  incredules,  le  Pape  les  a  observees.  Et  pouquoy?  Par  faute  de  noter  ce  passage,  quand  il  est  dit,  que  si  les  infidelles  ont  plusieurs  devotions  qu'ils  auront  imagine  a  leur  phantasie,  qu'il