21:163  163  THEODORI  BEZAE  164  tariis  pure  et  caste  verbum  ipsius  praedicarem,  et  fideliter  sacram  ipsius  scripturam  interpretarer.  Testor  etiam  ac  profiteor,  me  in  contentionibus  et  disputationibus  omnibus,  quae  mihi  cum  hostibus  evangelii  habendae  fuerunt,  nullis  praestigiis,  nullis  malis  artibus  et  sophisticis  usum  esse,  sed  candide  ac  sincere  in  veritate  propugnanda  versatum  esse.  Terum,  hei  mihi,  studium  illud  meum  et  zelus  (si  hoc  nomine  dignus  est)  adeo  remissus  et  languidus  fuit,  ut  innumera  mihi  ad  munus  meum  praeclare  fungendum  defuisse  fatear,  ac,  nisi  immensa  Dei  benignitas  adfuisset,  totum  illud  studium  meum  inane  atque  evanidum  futurum  fuisse,  quin  etiam  agnosco,  nisi  mihi  eadem  benignitas  adfuisset,  animi  bona,  quae  mihi  Deus  largitus  est,  magis  ac  magis  me  culpae  atque  ignaviae  reum  apud  eius  tribunal  factura  fuisse:  quas  ob  res  testor  ac  profiteor,  nullum  me  aliud  praesidium  salutis  sperare,  nisi  hoc  unum,  quum  Deus  pater  misericordiae  sit,  ut  sese  mihi,  qui  me  miserum  peccatorem  agnosco,  patrem  ostendat��  Quod  reliquum  est,  volo  post  meum  ex  hac  vita  discessum,  corpus  meum  terrae  mandari  eo  ritu  ac  modo,  qui  in  hac  ecclesia  et  civitate  usitatus  est,  dum  beatae  resurrectionis  dies  adveniat.  Quantum  ad  tenue  patrimonium,l)  quod  mihi  Deus  largitus  est  de  quo  in  hoc  testamento  disponere  statui,  haeres  meus  esto  Antonius  Calvinus,  frater  meus  [fol.  IIII.  1]  carissimus,  sed  honoris  causa  duntaxat:  praecipitoque  ac  sibi  habeto  pateram  argenteam,  quae  mihi  a  Varannio  dono  data  est,  qua  eum  contentum  esse  cupio.  Nam  quaecunque  in  haereditate  mea  reliqua  sunt,  peto  ab  eo  eiusque  fidei  committo,  ut  ea  suis  liberis,  quum  morietur,  restituat.  Ab  eodem  fratre  et  haerede  meo  lego  scholae  puerili  decem  aureos  scutatos:  tantundem  pauperibus  peregrinis:  tantundem  pariter  Ioannae  Caroli  Costani  et  affinis  meae  filiae.  Samueli  vero  et  Ioanni  eiusdem  fratris  mei  filiis  restitui  volo  ab  haerede  meo,  quum  morietur,  quadragenos  aureos  scutatos:  Annae  vero  et  Susannae  et  Dorotheae,  eiusdem  filiabus  aureos  scutatos  tricenos:  Davidi  ipsorum  fratri  ad  notam  levitatis  et  petulantiae  iuvenilis  scutatos  aureos  quinque  et  viginti.  Haec  summa  est  totius  patrimonii  et  bonorum,  quae2)  mihi  Deus  largitus  est,  quantum  quidem  existimare  possum,  pretium  statuens  et  bibliothecae  et  mobilium  et  universi  instrumenti  domestici  rerumque  ac  facultatum  mearum  omnium.  Quod  si  quid  forte  amplius  reperiatur,  volo  id  pro  rata  illis  omnibus  fratris  mei  filiis  ac  filiabus  distribui,  neque  Davidem  illum  excludo^  si  pro  Dei  benignitate  ad  bonam  frugem  redierit.  Sed  si  quid  erit,  quod  suprascriptam  summam  excurret,  credo  non  magnum  in  eo  1)  tenues  facultates  quas  rece.  2)  omnium  facultatum  quas  mihi  Deus  in  terris  (eaedem).