10.1:163  CONSILIA.  consonat:  Deletum  fuisse  in  carne  chirographum,  quod  erat  contrarium  nobis  (Col.  2,  14).  Solutio  enim  vel  compensatio  notatur,  quae  nos  a  reatu  absolvit.  Magnum  et  his  verbis  Pauli  subest  pondus:  Si  iustificamur  ex  operibus  legis,  ergo  gratis  Christus  mortuus  est  (Gal.  2,  21).  Nam  hinc  colligimus  a  Christo  petendum  esse,  quod  lex  conferret  si  quis  eam  impleat:  vel,  quod  idem  est,  nos  consequi  per  Christi  gratiam,  quod  Deus  operibus  nostris  in  lege  promisit:  Qui  fecerit  haec,  vivet  in  ipsis  (Lev.  18,  5).  Eodem  spectat  quod  postea  tradit:  Deus  filium  suum  misit  legi  subiectum,  ut  eos  qui  sub  lege  erant  redimeret  (Gal.  4,  5).  Quorsum  enim  subiectio  haec,  nisi  quod  iustitiam  nobis  peperit,  suscipiens  praestandum  cui  nos  solvendo  non  eramus?  Hinc  illa  iustitiae  imputatio  sine  operibus,  de  qua  Paulus  disserit  (Rom.  4):  quia  scilicet  accepta  nobis  fertur  quae  in  solo  Christo  reperta  fuit  iustitia.  Nec  certe  alia  causa  vocatur  caro  Christi  cibus  noster  (Ioann.  6,  55),  nisi  quia  in  ea  reperimus  vitae  substantiam.  Ea  porro  vis  non  aliunde  provenit,  nisi  quia  in  iustitiae  nostrae  pretium  crucifixus  fuit  x  filius  Dei.  Sicut  dicit  Paulus  3  quod  se  ipsum  tradiderit  sacrificium  in  odorem  bonae  fragrantiae  (Ephes.  5,  2).  Et  alibi:  Mortuus  est  propter  peccata  nostra,  et  resurrexit  propter  iustificationem  nostram  (Rom.  4,  25).  Inde  conficitur,  non  modo  per  Christum  salutem  nobis  datam  esse,  sed  patrem  nobis  eius  gratia  nunc  esse  propitium.  Nam  solide  in  eo  impleri  non  dubium  est,  quod  per  Isaiam  sub  figura  pronunciat  Deus  :  Propter  me  faciam,  et  propter  David  servum  meum  (Ies.  37,  35).  Cuius  rei  optimus  testis  est  apostolus,  quum  dicit:  Remittuntur  nobis  peccata  propter  nomen  eius  (1.  Ioann.  2,  12).  Nam  etsi  non  exprimitur  Christi  nomen,  Ioannes  tamen  suo  more  sub  pronomine  CLVTOV  eum  designat.  Quo  etiam  sensu  pronunciat  Dominus:  Siculi  ego  vivo  propter  patrem,  ita  et  vos  vivetis  propter  me  (Ioann.  6,  57).  Cui  respondet  quod  dicit  Paulus  :Vobis  datum  est  propter  Christum,  VKSQ  XQWTOV  non  solum  ut  in  eum  credatis,  sed  etiam  ut  pro  eo  patiamini  (Phil.  1,  29).  Responsio  ad  secundam  quaestionem.  Quanquam  in  fidem  non  illuminantur,  nec  evangelii  efficaciam  vere  sentiunt,  nisi  qui  praeordinati  sunt  ad  salutem:  experientia  tamen  ostendit,  reprobos  interdum  simili  fere  sensu  atque  electos  affici,  ut  ne  suo  quidem  iudicio  quidquam  ab  electis  differant.  Quare  nihil  absurdi  est,  quod  coelestium  donorum  gustus  et  temporalis  fides  illis  tribuitur:  non  quod  vim  spiritualis  gratiae  solide  percipiant,  ac  certum  fidei  lumen,  sed  quia  Dominus,  ut  magis  convictos  et  inexcusabiles  reddat,  se  insinuat  in  eorum  mentes,  quatenus  sine  adoptionis