1:163  [CO  1.  163]  stus:  si  frater [p. 332]  [OS  187]  aliquis  ecclesiam  non  audierit,  sit  tibi  sicut  ethnicus  et  publicanus.  Amen  dico  vobis,  quaecunque  ligaveritis  super  terram,  erunt  ligata  et  in  coelis,  quaecunque  solveritis,  erunt  soluta.  Non  autem  sic  diversos  facimus,  ut  non  multam  habeant  inter  se  affinitatem  et  similitudinem  (Matth.  18).  Hoc  primum  ubique  simile,  quod  utraque  est  generalis  sententia,  eadem  semper  ligandi  solvendique  est  potestas:  nempe  per  verbum  Dei.  Idem  solvendi  et  ligandi  mandatum,  eadem  promissio.  Eo  autem  differunt,  quod  prior  locus  peculiariter  de  praedicatione  est,  qua  verbi  ministri  funguntur,  hic  ad  disciplinam  excommunicationis  pertinet,  quae  ecclesiae  permissa  est.  Ligat  autem  ecclesia  quem  excommunicat,  non  quod  in  perpetuam  ruinam  ac  desperationem  coniiciat,  sed  quia  eius  vitam  ac  mores  damnat,  et  nisi  resipuerit,  iam  eum  suae  damnationis  admonet.  Solvit,  quem  in  communionem  recipit,  quia  velut  participem  eum  facit  unitatis,  quam  habet  in  Christo  Iesu.  Ne  quis  ergo  contumaciter  ecclesiae  iudicium  contemnat,  aut  parvi  aestimet  se  fidelium  suffragiis  damnatum,  testatur  Dominus,  tale  fidelium  iudicium  non  aliud  esse  quam  sententiae  suae  promulgationem,  ratumque  haberi  in  coelis  quod  illi  in  terra  egerint.  Habent  enim  verbum  Dei  quo  perversos  damnent,  habent [p. 333]  verbum,  quo  resipiscentes  in  gratiani  recipiant;  errare  autem  non  possunt  nec  a  Dei  iudicio  dissentire,  quia  non  nisi  ex  lege  Dei  iudicant,  quae  non  incerta  est  aut  terrena  opinio,  sed  sancta  Dei  voluntas  et  coeleste  oraculum.  Ecclesiam  autem  vocat,  non  pauculos  tonsos,  rasos,  linigeros,  sed  coetum  fidelis  populi,  in  nomine  suo  coactum.  Nec  audiendi  sunt  illusores  qui  sic  argutantur:  quomodo  ad  ecclesiam  querimonia  aliqua  deferri  posset,  quae  per  totum  orbem  sparsa  est  et  dissipata?  Satis  ostendit  Christus,  se  de  omni  christiana  congregatione  loqui,  ut  in  singulis  locis  aut  provinciis  constitui  ecclesiae  possunt.  Ubicunque,  inquit,  duo  aut  tres  congregati  fuerint  in  nomine  meo,  ibi  in  medio  eorum  sum.  Ex  illis  duobus  locis,  quos,  ut  breviter  ita  et  familiariter  et  vere  enarrasse  mihi  videor,  furiosi  isti  nullo  discrimine,  prout  sua  vertigine  feruntur,  nunc  confessionem,  nunc  excommunicationem,  nunc  iurisdictionem,  nunc  ius  condendi  leges,  nunc  indulgentias  conantur  statuere.  Sed  quid  si  uno  gladio  omnibus  eiusmodi  postulatis  ansam  praecidam:  sacrificulos  non  esse  apostolorum  vicarios  nec  successores?  Verum  istud  quoque  alibi  tractabitur.  Nunc  unde  se  munire  maxime  volunt  arietem  erigunt,  quo  molitiones  omnes  suae  deiiciantur.  Christus [p. 334]  enim  non  ante  apostolis  ligandi  et  solvendi  potesta-  [OS  188]  tem  fecit,  quam  eos  spiritu  sancto  donavit.  Nego  igitur  ullis  competere  clavium  potestatem,  qui  non  acceperint  spiritum  sanctum.  Nego  quenquam  clavibus  uti