55:162  Reputet  igitur  quisque  apud  se  quatenus  ad  hanc  communicationem  vocetur,  ut  obstacula  jomnia  abrumpat.  Nec  praetereundum  est  quod  Christi  probris  annumerat  quaecunque  ignominias  fideles  ab  initio  mundi  pertulerunt.  Nam  sicuti  membra  fuerunt  eiusdem  corporis,  ita  nihil  habebant  a  nobis  separatum.  Sunt  quidem  omnes  aerumnae,  sicut  praemia  peccati,  ita  etiam  maledictionis  fructus,  quae  primo  homini  fuit  imposita:  sed  quascunque  iniurias  Christi  nomine  sustinemus  ab  impiis,  eas  ipse  suas  ducit.  Unde  gloriatur  Paulus  se  supplere  quod  passionibus  Christi  deest.  Id  si  rite  expenderemus,  non  tam  molestum  nobis  esset  atque  acerbum,  pro  Christo  pati.  Melius  etiam  hoc  membro  declarat  quid  significet  per  probrum  Christi,  ubi  dicit:  malis  affici  cum  Dei  populo.  Non  poterat  aliter  Moses  se  unum  esse  ex  Dei  populo  profiteri,  nisi  gentis  suae  miseriis  adiungeret  se  comitem.  Ergo  ubi  hic  finis  est  ne  discedamus  a  corpore  ecclesiae  :  quidquid  patimur,  sciamus  capitis  nomine  esse  consecratum.  Ita  exadverso  thesauros  Aegypti  vocat,  quos  aliter  possidere  nemo  potest  quin  ecclesiae  renuntiet.  Intuebatur  enim  in  remunerationem.  Probat,  illam  animi  magnitudinem  fuisse  fidei  affectum,  ex  descriptione  quam  posuit  :  quia  Moses  oculos  in  Dei  promissionem  defixos  habebat.  Neque  enim  sibi  melius  fore  sperasset  cum  populo  israelitico  quam  apud  Aegyptios,  nisi  sola  promissione  confisus.  Porro  si  quis  inde  inferat,  fidem  non  in  solam  Dei  misericordiam  recumbere,  quia  praemii  respectum  habeat:  respondeo,  non  hic  disputari  de  iustitia  aut  salutis  causa:  sed  apostolum  generaliter  complecti  quidquid  fidei  convenit.  Ergo  fides,  quatenus  quaerenda  est  iustitia  coram  Deo,  non  remunerationem,  sed  gratuitam  Dei  bonitatem,  non  opera  nostra,  sed  Christum  solum  intuetur.  Sed  fides  extra  iustificationis  causam,  quia  generaliter  se  extendit  ad  quodvis  Dei  verbum,  remunerationis  quae  promittitur  respectum  habet.  Fide  inquam  amplectimur  quidquid  Deus  promittit:  atqui  operibus  promittit  remunerationem:  ergo  hanc  apprehendit  fides.  Sed  hoc  totum  in  causa  gratuitae  iustificationis  locum  nullum  habet:  quia  nulla  operum  remuneratio  sperari  potest,  nisi  gratuita  iustitiae  imputatio  praecedat.  27.  Fide  reliquit  Aegyptum.  Tam  de  priore  exitu  hoc  posset  exponi  quam  de  secundo,  quum  scilicet  secum  populum  eduxit.  Tunc  enim  proprie  reliquit  Aegyptum,  quum  ex  domo  Pharaonis  aufugit.  Huc  accedit  quod  ante  celebrationem  paschatis  hic  egressus  recensetur  ab  apostolo.  Yidetur  ergo  de  Mosis  fuga  loqui.  Nec  obstat  quod  addit,  non  timuisse  furorem  regis:  quum  Moses  ipse  narret  terrore  se  fuisse  compulsum.  Nam  si  initium  spectamus,  non  timuit  quum  se  populi  vinl  l