52:162  ubi  qui  potentior  est,  audaciam  sumit  ad  nocendum.  Alterum  immodicas  omnes  et  iniustas  cupiditates  sub  se  continet.  Quum  autem  homines  sibi  ut  plurimum  in  libidine  et  avaritia  indulgent,  revocat  illis  in  memoriam  quod  prius  docuerat,  Deum  scilicet  horum  fore  ultorem.  Notandum  vero  quod  dicit,  o  b  t  e  s  t  a  t  i  sumus.  Tanta  enim  est  hominum  tarditas,  ut  nisi  acriter  perculsi  nullo  divini  iudicii  sensu  tangantur.  7.  Non  enim  vocavit.  Videtur  eadem  esse  haec  sententia  cum  superiore,  quod  Dei  voluntas  sit  nostra  sanctificatio:  paulum  tamen  differt.  Nam  ubi  de  corrigendis  carnis  vitiis  disseruit,  Deum  hoc  velle  probat  a  fine  vocationis:  nos  enim  quasi  in  peculium  sibi  segregat.  Rursum  quod  Deus  nos  ad  sanctitatem  vocet,  probat  a  contrariis,  quia  ab  immunditia  nos  eripit  ac  revocat:  unde  concludit,  quicunque  hanc  doctrinam  repudiant,  non  homines  repudiare,  sed  Deum,  vocationis  scilicet  autorem  :  quae  tota  concidit  everso  de  vitae  novitate  principio.  Ideo  autem  tam  vehementer  insurgit,  quia  semper  sunt  protervi  homines,  qui,  quum  secure  Deum  contemnant,  minas  omnes  subsannant  iudicii  eius,  et  simul  omnia  sanctae  ac  piae  vitae  praecepta,  ludibrio  habent.  Tales  docendi  non  sunt,  sed  severa  obiurgatione  tanquam  ictu  mallei  feriendi.  8.  Qui  etiam  dedit.  Quo  melius  a  tali  contemptu  et  pervicacia  revocet  Thessalonicenses,  spiritu  Dei  praeditos  esse  admonet,  quo  discernant  primum  quid  a  Deo  sit:  deinde  inter  sanctitatem  et  immunditiam  discrimen  quale  oportet  statuant:  tertia  iudicium  coelesti  autoritate  ferant  contra  omne  inquinamenti  genus,  quod  in  ipsorum  capita  reddet,  nisi  alieni  sint  a  contagio.  Ergo  utcunque  impii  quaecunque  de  sancta  vita  et  timore  Dei  docentur,  rideant:  qui  donati  sunt  spiritu  Dei,  longe  aliud  testimonium  habent  in  cordibus  suis  obsignatum.  Cavendum  igitur  ne  illud  exstinguant,  vel  obliterent.  Quamquam  ad  Paulum  et  reliquos  doctores  referri  hoc  potest,  ac  si  dixisset  eos  non  ex  humano  sensu  immunditiem  damnare,  sed  ex  Dei  autoritate  pronuntiare  quod  ab  eius  spiritu  dictatum  est:  ego  tamen  libenter  utrosque  complector.  Quaedam  exemplaria  pronomen  habent  secundae  personae,  vos:  quod  ad  Thessalonicenses  donum  spiritus  restringit.  9.  De  fraterno  autem  amore  non  opus  habetis  ut  scribam  vobis:  ipsi  enim  vos  a  Deo  estis  edocti,  ut  diligatis  invicem.  10.  Etenim  hoc  facitis  erga  omnes  fratres  qui  sunt  in  tota  Macedonia.  Hortamur  autem  vos,  fratres,  ut  abundetis  magis,  ll.  et  altius  contendatis  ut  colatis  quietem,  et  agatis  res  vestras,  et  Ioboretis  manibus  vestris,  quemadmodum  vobis  denuntiavimus,  12.  ut  ambuletis  decenter  ergo  extraneos,  et  nulla  re  opus  habeatis.  l  l