51:162  ita  eximit  filios  Dei  ab  eius  potestate.  Quod  si  ita  est,  sequitur  ergo,  Satanam  nihil  agere  nisi  superiore  nutu:  non  ipsum  esse  aoxoxpaxopa.  Quamquam  simul  inde  colligimus,  nihil  excusationis  habere  impios,  eo  quod  Satanae  impulsu  scelera  omnia  perpetrent.  Qui  fit  enim  ut  eius  tyrannidi  sint  obnoxii,  nisi  quod  Deo  sunt  rebelles?  Quod  si  non  alii  Satanae  serviunt,  nisi  qui  a  Deo  sunt  emancipati,  imo  qui  illius  obsequium  subire  renuunt:  sibi  culpam  imputent,  quod  tam  perniciosum  habent  dominum.  Filios  inoboedientiae  pro  contumacibus  posuit  more  hebraico.  Et  certe  infidelitas  semper  comitem  habet  inoboedientiam:  adeoque  ipsa  est  fons  et  mater  omnis  pervicaciae.  3.  Inter  quos  nos  quoque.  Ne  videatur  contumeliose  exprobrare  Ephesiis  quales  fuerint,  aut  iudaico  supercilio  gentes  deiicere:  se  quoque  et  sui  similes  illis  aggregat.  Neque  per  hypocrisim  hoc  dicit,  sed  vera  confessione  dat  gloriam  Deo.  Quamquam  mirum  videri  queat  quod  fatetur  se  ambulasse  in  concupiscentiis  carnis,  qui  alibi  iactat,  tota  vita  se  fuisse  irreprehensibilem.  Respondeo,  hoc  esse  omnibus  commune,  qui  nondum  spiritu  Christi  sunt  regenerati.  Nam  utcunque  in  speciem  laudabilis  sit  quorundam  vita,  quia  non  erumpunt  in  conspectum  hominum  concupiscentiae:  nihil  tamen  purum  est  nec  incorruptum  extra  fontem  omnis  puritatis.  Notanda  praeterea  definitio,  quid  sit  ambulare  secundum  carnis  concupiscentias.  Facere  scilicet  quae  carni  libent  ac  menti:  hoc  est,  vivere  ad  ingenii  mentisque  suae  arbitrium.  Nam  caro  hic  ingenium,  vel  naturae,  quam  vocant,  inclinationem  significat.  Additur  nomen  Stavottov,  quae  a  mente  proficiscuntur.  Mens  porro  rationem,  qualiscunque  est  in  homine  a  natura,  comprehendit.  Quare  nomen  concupiscentiae  non  tantum  ad  inferiores  appetitus,  vel  ad  partem  sensualem,  quam  vocant,  pertinet:  sed  ad  summum  usque  pertingit.  Et  eramus  natura  filii  irae.  Pronuntiat,  universos  sine  exceptione  sub  reatu  esse,  donec  per  Christum  liberentur,  tam  Iudaeos  quam  gentiles,  quemadmodum  ad  Galatas  capite  2:  ut  nulla  sit  iustitia,  nulla  salus,  nulla  denique  excellentia  extra  Christum.  Per  filios  irae,  simpliciter  intellige  perditos  ac  morte  aeterna  dignos.  Ira  enim  iudicium  Dei  significat.  Ideo  filii  irae  perinde  valet  atque  eoram  Deo  damnati.  Tales  fuisse  Iudaeos,  et  quicunque  in  ecclesia  excelluerunt,  Paulus  hic  docet.  Idque  natura:  id  est,  ipsa  origine  et  ab  utero  matris.  Locus  est  insignis  adversus  Pelagianos,  et  quicunque  peccatum  originale  negant.  Nam  quod  naturaliter  inest  omnibus,  id  certe  est  originale.  Naturaliter  vero  nos  omnes  damnationi  obnoxios  Paulus  docet.  Ergo  peccatum  in  nobis  haeret  :  quia  Deus  non  damnat  innocentes.  Pelagiani  cavillabantur,  peccatum  ab  Adam  in  universum  humanum  genus  propagatum  ll