42:162  connoistrons  que  nous  n'aurons  point  perdu  nostre  peine,  nous  sentirons  le  profit  et  l'utilite  d'estre  venus  en  son  escole,  voire  et  si  nous  sommes  ignorans,  que  cela  ne  nous  descourage  point,  mais  escoutons  l'admonition  que  nous  fait  8.  Paul  aux  Philippiens  quand  il  dit,  si  vous  n'entendes  pas  le  Seigneur  vous  le  revelera  encores.  Sainct  Paul  nous  exhorte  la  d'une  bonne  remonstrance,  que  si  nous  ignorons  quelque  point,  que  nous  attendions  iusques  a  ce  que  le  temps  de  cette  revelation  plus  pleine  soit  venu.  Or  quand  sainct  Paul  parle  ainsi,  il  entend  qu'il  ne  faut  pas  que  nous  soions  temeraires,  et  c'est  ce  que  i'ay  desia  touche  que  Dieu  nous  tient  en  bride  qu'il  ne  nous  revele  pas  les  choses  comme  nous  les  desirons  bien,  que  c'est  a  fin  que  nous  n'ayons  point  matiere  de  nous  enorgueillir  par  trop:  il  connoist  l'orgueil  qui  est  en  nostre  nature,  et  par  ce  moien  la  il  nous  instruit  a  humilite.  Il  faut  donc  qu'en  connoissant  nostre  ignorance  nous  cerchions  de  l'amender,  et  cependant  que  nous  ne  laissions  pas  de  marcher  plus  outre,  iusques  a  ce  que  Dieu  nous  ait  revele  ce  qui  nous  est  maintenant  inconneu.  Voila  comme  nous  devons  pratiquer  ce  passage,  ou  il  est  dit,  que  Daniel  ha  oi,  et  n'a  pas  entendu,  et  toutesfois  notons  aussi  un  article  que  Daniel  ne  veut  pas  signifier,  qu'il  ait  este  du  tout  ignorant,  mais  c'a  este  en  partie,  il  entendoit  bien  l'intention  du  S.  Esprit,  mais  il  ne  scavoit  pas  comprendre  toutes  les  circonstances  par  le  menu,  il  ha  donc  ignore  en  partie,  et  en  partie  il  ha  este  instruit,  et  c'est  ce  que  dit  S.  Paul  au  troisieme  de  la  seconde  aux  Corinthiens,  nous  connoissons  en  partie,  nous  prophetisons  en  partie,  mais  quand  nous  serons  entres  au  royaume  de  Dieu,  il  n'y  aura  plus  que  perfection  en  nous.  D'avantage  nous  voions  que  Daniel  s'est  enquis,  par  cela  nous  sommes  enseignes,  que  l'ignorance  qui*  est  en  nous  nous  doit  estre  comme  pour  nous  reveiller  et  pour  nous  solliciter  a  invoquer  Dieu,  car  nous  avons  besoin  que  par  son  S.  Esprit  il  nous  illumine,  et  qu'il  nous  retire  des  tenebres  ou  nous  sommes.  Sentons  nous  donc  que  nous  ne  sommes  point  encores  venus  a  cette  perfection  de  foy?  Dieu  nous  advertist  et  nous  sollicite,  a  fin  que  nous  Pinvoquions  tant  plus  ardemment,  que  nous  luy  demandions  qu'il  luy  plaise  de  parachever  son  oeuvre,  que  comme  il  nous  ha  instruit  une  fois  en  son  escole  qu'il  nous  ha  fait  cet  honneur  inestimable  de  s'abaisser  iusques  a  nous,  et  de  nous  enseigner,  qu'il  nous  instruise  de  plus  en  plus,  et  que  nostre  foy  aussi  soit  augmentee,  qu'elle  soit  tellement  confermee,  que  nous  puissions  resister  par  icelle  a  toutes  les  tentations  qui  nous  pourront  advenir.  Voila  donc  ce  qui  nous  est  ici  monstre  par  l'exemple  de  Daniel,  les  mots  dont  il  use  nous  doivent  servir  de  confirmation  de  ce  qui  fut  hier  traitte,  c'est  11