30:162  proinde  noluit  a  propheta  evulgari:  sed  sacrificii  specie  tegi  mandavit.  Sequitur  deinceps:  Fecit  ergo  Samuel,  sicut  loquutus  est  ei  Dominus:  venitque  in  Bethlehem,  et  admirati  sunt,  vel,  et  congregati  sunt  (sed  satis  est  frequens  in  sacris  admirationis  significatio,  et  spectat  magis  ad  sequentem  interrogationem)  seniores  civitatis  occurrentes  eis,  dixeruntque:  Pacificusne  est  ingressus  tuus?  Insolens  enim  erat  iste  adventus  prophetae,  cuius  nulla  causa  apparebat:  neque  enim  antea  venire  eo  consueverat:  quare  subitam  et  repentinam  aliquam  causam  subortam  esse  oportebat.  Idcirco  igitur  admirationis  seniorum  hic  fit  nominatim  mentio.  Nam  non  erat  prophetarum  mos  et  consuetudo  temere  huc  illuc  vagari,  nisi  magna  aliqua  cogente  illos  necessitate.  Seniores  ergo  isti  Samuelis  adventum  admirati,  et  ignorantes  an  aliquid  adversi  Bethlehemae  accidisset,  quaerunt,  sitne  pacificus  ipsius  adventus.  Pacis  autem  nomine  quaevis  prospera  intelliguntur,  quasi  interrogarent:  Sintne  omnia  prospera,  an  bene  omnia  se  habeant.  Respondit  itaque  Samuel:  Pacificus,  ad  immolandum  Domino  veni.  Porro  Bethlehema  tum  non  erat  magni  nominis,  sed  tantum  exiguus  pagus:  quemadmodum  Micheas  propheta,  Domini  nostri  Iesu  Christi  adventum  praedicens,  ait:  At  tu  Bethlehem  Ephratae,  ut  sis  minima  in  ducibus  Iehudae,  ex  te  mihi  prodibit  futurus  dominator  in  Israele.  Bethlehem  igitur  tum  non  erat  illustre  aut  nobile  oppidum,  sed  ignobilis  pagus  et  quidem  ex  remotissimis  terrae.  Eo  tamen  se  venisse  ad  immolandum  ait  Samuel.  Non  dubium  autem  quin  seniores  sibi  summo  honori  duxerint,  quod  propheta  locum  illum  ad  sacra  Deo  facienda  delegisset.  Sed  hic  iterum  quaeri  potest,  quomodo  Samuel  sibi  tantum  permiserit:  quod  non  esset  summus  sacerdos,  ac  proinde  non  esset  ipsius  munus  Deo  sacra  offerre.  Praeterea  non  est  verisimile  arcam  foederis  aut  sanctuarium  fuisse  tum  eo  loci.  Colligimus  autem  facile,  quemadmodum  ex  aliis  iam  locis  observavimus,  populum  a  puritate  legis  recessisse,  multumque  sibi  permisisse  in  Dei  cultu,  adeo  ut  fuerit  valde  corruptus.  Iam  ergo  si  quaeritur  quid  de  Samuelis  facto  iudicandum  sit,  dicendum  non  posse  nec  debere  illud  in  exemplum  trahi.  Deum  autem  quodam  privilegio  et  tolerantia  vitium  iilud  condonasse,  ut  nos  oporteat  semper  ad  legis  formulam  et  praescriptum  nostras  actiones  exigere.  Nam  si  veterum  sanctorum  singularia  facta  imitari  et  in  exemplum  trahere  volumus,  in  immensum  labyrinthum  incidemus  ex  quo  non  detur  exitus,  quemadmodum  factum  videmus.  Obsecro  enim,  unde  tanta  dissipatio  in  ecclesiam  invecta,  ut  nulla  religionis  forma  apparuerit,  nisi  quod  in  aliorum  facta  coniecti  sunt  oculi,  quae  deinde  pro  regula  sunt  posita?  Neque  vero  istud  malum  a  Domini  l  l