29:162  sorte  qu'elle  sera  grasse  et  fertile.  Or  ici  nous  voyons  que  ce  n'est  point  sans  cause  qu'il  nous  est  commande  de  cercher  nostre  pain  quotidien  de  la  main  de  Dieu.  Car  comment  est-ce  que  la  terre  produit  ses  fruicts  pour  nostre  nourriture?  C'est  d'autant  que  Dieu  l'arrouse.  Il  n'est  pas  dit  que  la  terre  a  substance  en  soy,  il  n'est  pas  dit  que  le  ciel  ou  les  fontaines  luy  donnent  simplement:  mais  c'est  Dieu  qui  envoye  la  rousee,  c'est  Dieu  qui  fait  sourdre  ies  fontaines,  tellement  qu'il  nous  luy  faut  attribuer  tout  ce  que  nous  avons  de  substance,  quand  nous  sommes  nourris  et  substantez.  Voila  donc  Dieu  qui  a  un  tel  soin  de  nos  corps  et  de  ceste  vie  corruptible,  que  nous  ne  pouvons  manger  un  morceau  de  pain,  qui  ne  nous  provienne  de  luy  et  de  sa  pure  liberalite.  Et  de  faict,  il  nous  faut  bien  exercer  en  cela.  Or  quand  il  nous  est  monstre  que  nous  ne  pouvons  avoir  une  seule  goutte  de  bien,  voire  de  ces  biens  caduques,  que  nous  ne  les  prenions  de  la  main  de  Dieu:  que  serace  de  ce  qui  est  beaucoup  plus  excellent?  S'il  me  faut  un  morceau  de  pain,  ie  le  doy  demander  a  Dieu,  en  protestant  que  c'est  son  office  propre  de  me  nourrir.  Et  s'il  est  question  de  parvenir  a  la  vie  celeste,  et  au  salut  eternel,  Piray-ie  cercher  aillieurs  qu'en  Dieu?  ou  le  cuideray-ie  avoir  en  moy?  quelle  presomption  sera-ce?  Nous  voyons  donc  comme  le  pain  et  la  nourriture  corporelle  qui  nous  est  donnee,  nous  doit  estre  comme  un  moyen,  pour  nous  eslever  plus  haut,  voire  afin  que  nous  attribuions  a  Dieu  et  a  ses  benefices  tout  ce  que  nous  avons  et  du  corps  et  de  l'ame,  et  de  tout.  Voila  pour  un  item.  Au  reste,  quand  ici  Ioseph  est  appelle  Nazarien  entre  ses  freres,  nous  voyons  comme  Dieu  eslargit  de  ses  graces  la  ou  il  veufc,  voire  outre  l'opinion  des  hommes,  et  tout  au  rebours  de  ce  qu'on  eust  pense.  Ioseph  a  bien  este  separe  de  ses  freres:  mais  c'estoit  comme  Payant  destine  a  la  mort,  ils  conspirent  contre  luy  de  le  tuer.  Et  encores  quand  on  le  sauve,  c'est  pour  le  ietter  en  une  fosse,  et  pour  le  faire  languir:  que  ceste  mort  est  plus  cruelle  que  s'ils  luy  eussent  du  premier  coup  couppe  la  gorge:  en  la  fin  pour  la  plus  grande  grace,  c'est  qu'il  est  vendu  a  un  peuple  barbare,  a  gens  estranges  et  incogneus.  Et  puis,  quand  il  est  venu  en  Egypte,  il  est  fourre  la  en  un  fonds  de  fosse:  il  est  mis  aux  ceps,  comme  il  en  est  parle  au  Pseaume,  que  le  fer  a  navre  et  perce  son  coeur.  Voila  donc  Ioseph  qui  est  separe  non  seulement  de  la  maison  de  Iacob,  mais  quasi  de  tout  le  monde,  qu'il  est  retranche  du  genre  humain  comme  une  personne  morte,  qu'il  semble  qu'il  doyve  la  pourrir  en  une  fosse:  mais  Dieu  Pa  separe  d'une  autre  facon  en  son  conseil  admirable.  Voila  pourquoy  il  estoit  dit,  qu'il  estoit  comme  une  estoille,  qui  estoit  adoree  du  soleil  et  de  la  lune  et  11