27:162  Dieu  purement,  se  tenir  a  luy,  et  s'humilier  sous  sa  parolle:  et  pourtant  il  faut  qu'ils  soyent  mis  en  sens  reprouve,  et  que  Dieu  leur  lasche  la  bride,  pour  n'avoir  plus  ni  honnestete  humaine,  ni  rien  qui  soit.  Apprenons  donc  non  seulement  de  cognoistre  que  les  Papistes  sont  povres,  et  miserables  creatures,  et  de  les  condamner  en  toutes  leurs  follies,  et  superstitions:  mais  quand  Dieu  nous  rappelle  a  soy,  que  nous  soyons  prests  de  venir:  et  sachons,  quand  il  nous  a  fait  la  grace  de  nous  instruire  en  la  droite  religion,  et  en  la  doctrine  de  son  Evangile,  qu'il  nous  monstre  en  cela  que  c'est  luy  seul  que  nous  devons  adorer.  Voila  en  somme  ce  que  nous  avons  a  retenir,  en  attendant  que  le  reste  se  deduise  plus  a  plein.  LE  DEUXIESME  SERMON  SUR  LE  CHAP.  XII.  V.  3.7.  DU  MEROREDI  2^  D'OCTOBRE  1555.  Il  y  a  deux  parties  en  la  doctrine  que  nous  avon  recitee.  L'une  c'est,  que  Dieu  veut  qu'on  extermine  tout  ce  qui  aura  servi  aux  idoles  :  et  le  fait  pour  bonne  raison,  a  cause  qu'il  voit  la  fragilite  des  hommes:  cependant  que  nous  avons  quelque  petite  occasion,  nous  sommes  tantost  seduits.  Car  l'idolatrie  est  tellement  enracinee  en  nos  esprits,  qu'il  nous  en  faut  quasi  retirer  par  force:  que  sera-ce  donc  quand  nous  y  serons  attirez?  Ainsi  notons  bien,  que  pour  servir  a  Dieu,  d'autant  que  nous  sommes  enclins  a  superstition,  qu'il  nous  faut  oster  tout  ce  qui  nous  peut  divertir  du  droit  chemin,  et  de  la  simplicite  que  Dieu  nous  commande.  Et  les  hommes  ne  peuvent  estre  trop  sur  leur  garde  en  ceci.  Ii  est  vray  que  plusieurs  cuident  estre  tant  habiles,  qu'encores  qu'ils  s'enveloppent  parmi  les  superstitions  des  incredules,  qu'ils  n'en  seront  point  entachez.  Mais  Dieu  est  plus  sage  que  nous.  Et  ainsi  retenons  ceste  lecon  qu'il  nous  monstre,  c'est  qu'il  nous  faut  estre  separez  de  toutes  les  superstitions  des  Payens  et  incredules:  autrement  que  son  service  sera  incontinent  corrompu  entre  nous.  Mais  pource  que  desia  nous  avons  declaire  ceste  partie,  ie  n'y  insiste  pas  longuement.  Venons  a  ce  que  Moyse  adiouste,  c'est:  Qu'on  ne  face  point  ainsi  a  Dieu.  Or  par  ce  mot  il  entend  qu'il  ne  faut  pas  que  les  Iuifs  redressent  en  l'honneur  du  Dieu  vivant  les  autels,  les  chappelles,  et  toutes  les  autres  ordures  qu'ils  avoyent  demolies.  Comme  s'il  disoit:  Dieu  ne  veut  point  estre  servi  a  la  guise  des  idoles:  et  pourtant  ne  regardez  point  a  ce  que  les  Payens  ont  fait,  pour  les  enl  l