21:162  IOANNIS  CALVINI  TESTAMENTUM.  In  nomine  Domini,  Amen.  Anno  MDLX1V  die  Aprilis  XXV.  Ego  Petrus  Chenalatus,  civis  et  notarius  Genevensis,  testor  ac  profiteor  me  evocatum  fuisse  a  spectato  viro  Ioanne  Calvino,  ministro  verbi  Dei  in  hac  ecclesia  Genevensi,  et  eiusdem  civitatis  adscripto  cive,  qui  tum  corpore  quidem  aegro  sed  mente  integra  dixit  sibi  esse  in  animo  testamentum  suum  conficere  et  extremae  voluntatis  iudicium  exponere,  a  meque  petiit  ut  illud  exciperem  et  uti  lingua  nuncuparet  ac  dictaret  ita  conscriberem,  quod  confestim  fecisse  me  profiteor,  atque  ad  verbum,  ut  nuncupare  et  dictare  voluit,  conscripsisse,  neque  quidquam  ad  illius  verba  adiecisse  vel  de  iis  detraxisse,  sed  hanc  ab  illo  dictatam  formulam  sequutum  esse.  In  nomine  Domini,  Amen.  Ego  Ioannes  Calvinus,  minister  verbi  Dei  in  ecclesia  Genevensi,  variis  morbis  oppressus  et  afflictus,  ut  facile  animum  inducam,  Dominum  Deum  statuisse  me  propediem  ex  hoc  mundo  educere,  constitui  facere  meum  testamentum  meamque  ultimam  voluntatem  literis  mandare,  ea  forma  quae  subsequitur.  Primum  omnium  gratias  ago  Deo,  quod  misertus  mei,  quem  crearet,  et  in  hoc  mundo  collocaret,  non  solum  me  e  profundis  idololatriae  tenebris,  in  quas  demersus  eram,  eripuit,  ut  me  in  evangelii  sui  lucem  adduceret,  et  doctrinae  salutis  participem  faceret,  cuius*)  eram  indignissimus:  neque  solum  eadem  misericordia  et  benignitate  multa  mea  vitia  et  peccata  benigne  et  clementer  toleravit,  pro  quibus  tamen  merebar  ab  illo  reiici  et  exterminari:  verum  etiam  tanta  erga  me  clementia  et  mansuetudine  est  usus,  ut  opera  mea  dignatus  sit  uti  in  praedicanda  et  promulganda  veritate  sui  evangelii:  testorque  ac  profiteor,  mihi  esse  in  animo,  quod  reliquum  est  vitae  in  eadem  fide  et  religione  transigere,  quam  mihi  per  evangelium  suum  tradidit:  neque  aliud  praesidium  aut  perfugium  salutis  habere,  quam  gratuitam  ipsius  adoptionem,  qua  una  salus  mea  nititur:  ac  toto  pectore  amplector  misericordiam,  qua  propter  Iesum  Christum  erga  me  est  usus  compensans  mea  crimina  cum  merito  mortis  et  passionis  ipsius,  ut  hac  ratione  pro  criminibus  et  delectis  meis  omnibus  satisfiat,  eorumque  memoria  deleatur.  Testor  etiam  ac  profiteor,  me  suppliciter  ab  eo  petere,  ut  ita  me  ablutum  et  mundatum  velit  sanguine  summi  illius  redemptoris  effuso  pro  humani  generis  peccatis,  ut  mihi  [  D  i  ]  liceat  apud  tribunal  ipsius  consistere  sub  ipsius  redemptoris  imagine.  Item  profiteor,  me  sedulo  pro  modo  gratiae  et  benignitatis,  qua  Deus  erga  me  usus  est,  operam  dedisse,  ut  quum  in  concionibus,  tum  etiam  in  scriptis  et  commen-  1)  Edd.  recenti,  emendarit:  qua.  11