15:162  puto,  ut  dolorem  exsilii  vestri  mitigem  aliqua  consolatione,  et  vos  ad  studia  piae  doctrinae  quibus  incumbitis  persequenda  exhorter.  Triste  per  se  ex8Iliuin  est,  acerba  res  est  patriae  calamitas,  cumulus  vero  malorum  est  misera  ecclesiae  Christi  dissipatio,  praesertim  ubi  nullus  apparet  finis.  Sed  filiis  Dei,  qui  se  agnoscunt  mundi  haeredes,  exsulare  non  adeo  durum  est:  re  ipsa  quoque  assuefieri  ufc  peregrini  discant  esse  in  terra  utile  est.  Quum  advenis  nuper  receptaculum  esset  Anglia,  Dominus  vos  in  tempore  illorum  exemplo  praemonuit,  ne  vobis  molestum  foret  easdem  obire  vices.  Causa  exsilii,  unde  levatio  aliqua  petenda  erat,  quodammodo  moerorem  duplicat,  quod  expulso  Christo  diabolica  tyrannis  in  patria  vestra  grassatur,  et  illic  trepidis  ovibus  lupi  crudeliter  inhiant.  Sed  quum  sciatis,  non  esse  novum  Christo  sub  cruce  regnare��  ut  sibi  ac  suis  ex  mundi  ignominia  magnificos  triumphos  acquirat,  vestrum  est  hoc  probatione  tempore  colligere  animos  ad  constantiam,  donec  e  coelo  manum  exserat.  Certe  suos  tandem,  quorum  non  exiguus  est  numerus,  respiciet,  et  hostium  compescet  superbiam,  qui  adeo  propterea  insultant,  ut  non  diu  futurus  sit  tolerabilis  eorum  furor.  Nos  interea  sedulo  operam  dare  convenit,  ut  nostros  quoque  gemitus  exaudiat.  Porro  vos  non  arbitror  multis  verbis  hortandos  esse,  ut  in  sancto  isto  cursu  strenue  pergatis:  unum  hoc  ad  vos  stimulandos  sufficiet,  in  quem  usum  divinitus  sitis  repositi,  exponere.  Neque  enim  dubito,  quin  mirabili  consilio  Dominus  vos  in  piae  doctrinae  studiis,  quasi  sub  umbra  exerceri  velit,  ut  in  lucem  paulo  post,  atque  in  seriam  militiam  producat.  Acriter  ergo  ad  perficienda  incumbite,  ac  si  rebus  optime  compositis,,  patria  nunc  operam  vestram  flagitaret.  Quamvis  enim  clausa  sit  Christi  servis  ianua,  brevi  tamen  aliquem  vestri  usum  fore  spero.  Ad  eam  rem  fidus  vobis  et  idoneus  adiutor  erit  frater  et  symmysta  noster  D.  Leverus,  cuius  doctrina  et  pietas  vobis  pridem  cognita  est,  nobis  autem  sic  probata,  ut  magnopere  vobis  gratuler,  exemplar  vobis  domi  propositum  quod  imitemini.  Valete,  mihi  ex  animo  dilecti  fratres.  Dominus  vos  tueatur  et  gubernet  spiritu  suo,  studiisque  vestris  benedicat��  Ameo,  Genevae  Idibus  Iunii  1554.  Ioannes  Calvinus  vester.  l  l