10.1:162  rem  apostolus  dextre  sumpto  hoc  principio  in  epistola  ad  Hebraeos  explicat,  quod  remissio  absque  sanguinis  effusione  non  fiat  (9,  22).  Unde  colligit,  Christum  in  abolitionem  peccati  per  suum  sacrificium  semel  apparuisse.  Item  oblatum  esse,  ut  multorum  tolleret  peccata.  Dixerat  autem  prius,  non  per  sanguinem  hircorum,  aut  vitulorum,  sed  per  sanguinem  proprium  semel  intrasse  in  sancta,  aeterna  redemptione  inventa.  Iam  dum  in  hunc  modum  ratiocinatur  (Ibid.  v.  13  seq.):  Si  sanguis  vitulae  sanctificat  secundum  carnis  puritatem,  multo  magis  sanguine  Christi  purificari  conscientias  ab  operibus  mortuis,  facile  patet  nimis  extenuari  Christi  gratiam,  nisi  eius  sacrificio  vim  expiandi,  placandi  et  satisfaciendi  concedimus:  quemadmodum  paulo  post  addit  (vers.  15):  Mediator  hic  est  novi  testamenti,  ut  morte  interveniente  in  redemptionem  praecedentium  delictorum,  quae  manebant  sub  lege,  promissionem  aeternae  haereditatis  accipiant  qui  vocati  sunt.  Praesertim  vero  expendere  convenit  analogiam,  quae  a  Paulo  describitur  :  Quod  pro  nobis  factus  sit  maledictio,  etc.  (Gal.  3,  13).  Supervacuum  enim,  adeoque  absurdum  fuit  onerari  Christum  maledictione,  nisi  ut  quod  alii  debebant  persolvens  iustitiam  illis  acquireret.  Clarum  est  etiam  Isaiae  testimonium  (53,  4.  5)  :  Quod  castigatio  pacis  nostrae  Christo  imposita  fuit,  et  livore  eius  nobis  obtigit  sanitas.  Nisi  enim  satisfecisset  pro  peccatis  nostris  Christus,  non  diceretur  placasse  Deum  poena,  cui  eramus  obnoxii,  in  se  recepta.  Cui  respondet  quod  ibidem  sequitur:  Propter  scelus  populi  mei  percussi  eum  (vers.  8).  Accedit  etiam  Petri  interpretatio,  quae  nihil  ambiguum  relinquet:  Quod  peccata  portaverit  super  lignum  (1.  Petr.  2,  24).  Onus  enim  damnationis,  quo  levati  sumus,  dicit  in  Christum  esse  reiectum.  Nec  obscure  pronunciant  apostoli  pretium  solvisse,  quo  nos  a  reatu  mortis  redimeret.  Iustificati  gratia  ipsius  per  redemptionem  quae  est  in  Christo,  quem  posuit  Deus  HaGziJQiov  per  fidem  quae  est  in  sanguine  eius  (Rom.  3,  25).  Gratiam  Dei  in  hoc  commendat  Paulus,  quia  redemptionis  pretium  dedit  in  Christi  morte.  Deinde  iubet  nos  confugere  ad  eius  sanguinem,  ut  iustitiam,  adepti  coram  Dei  iudicio  stemus.  Idem  valet  istud  Petri:  Redempti  non  auro  et  argento,  sed  pretioso  sanguine  agni  immaculati  (1.  Petr.  1,  18.  19).  Neque  enim  congrueret  antithesis,  nisi  pro  peccatis  satisfactum  esset  hoc  pretio,  Qua  ratione  Paulus  dicit  nos  pretiose  emptos  esse  (1.  Cor.  6,  20).  Non  staret  etiam  alterum  Pauli  dictum  (1.  Tim.  2,  5):  Unus  mediator,  qui  se  dedit  avTilvxoov^  nisi  reiecta  in  eum  esset  poena,  quam  meriti  eramus.  Ideo  Paulus  redemptionem  in  sanguine  Christi  definit  remissionem  peccatorum  (Col.  1,  14):  ac  si  diceret  iustificari  nos,  vel  absolvi  coram  Deo,  quia  sanguis  ille  in  satisfactionem  respondet.  Cui  et  alter  locus  11