55:161  161  EPIST.  AD  HEBRAEOS  162  tamen  sic  probari,  ut  vitam  Mosis  impetret,  ex  qua  pendebat  ecclesiae  liberatio.  24.  Mosis  iam  grandis.  Memorabile  prae  aliis  apud  Iudaeos  esse  debuit  Mosis  exemplum,  per  cuius  manum  fuerant  ex  servitute  manumissi,  foedus  Dei  cum  illis  renovatum,  status  ecclesiae  publicata  lege  constitutus.  Quod  si  fides  in  Mose  praecipue  est  consideranda:  nimis  absurdum  erit  6i  inde  ipsos  alio  abducat.  Unde  sequitur,  male  in  lege  proficere  omnes  qui  ab  ipsa  non  diriguntur  ad  fidem.  Nunc  videndum  est  quibus  in  rebus  Mosis  fidem  praedicet.  Hanc  ordine  primam  virtutem  ponit,  quod  iam  grandis  natu  adoptionem  filiae  Pbaraonis  contempsit.  Aetatis  meminit,  quia  si  puer  hos  fecisset,  levitati  aut  ignorantiae  posset  imputari:  quandoquidem  enim  in  pueris  nondum  viget  consilium  aut  ratio,  temere  se  quovis  proiiciunt:  adolescentes  etiam  saepe  huc  vel  illuc  rapit  inconsideratus  fervor.  Ergo  ut  sciamus,  nihil  nisi  consulto  factum  fuisse,  et  quod  longo  iam  tempore  meditatus  erat:  refert  apostolus  tunc  fuisse  grandem  natu:  quod  etiam  ex  historia  liquet.  Porro  adoptionem  sprevisse  dicitur,  quia  quum  inviseret  fratres  suos,  quum  sublevare  ipsos  studeret,  quum  vindicaret  eorum  iniurias,  huc  spectabant  omnia  ut  rediret  potius  ad  genus  suum,  quam  in  aula  regis  maneret.  Ergo  perinde  id  valuit,  ac  si  ultro  se  abdicasset.  Id  fidei  adscribit  apostolus:  quia  multo  satius  erat  in  Aegypto  manere,  nisi  genus  Abrahae  benedictum  esse  persuasus  esset:  cuius  benedictionis  sola  testis  erat  Dei  promissio.  Nam  oculis  nihil  tale  cernebat.  Hinc  apparet  fide  esse  intuitum  quod  longe  a  conspectu  remotum  erat.  26.  Maiores  existimans  divitias,  probrum  Christi.  Sedulo  notanda  est  haec  loquutio,  qua  docemur,  instar  letalis  veneni  fugiendum  esse  quidquid  obtineri  nequit  quin  Dei  offensa  redimatur.  Delitias  enim  peccati  vocat  illecebras  mundi  omnes,  quae  nos  a  Deo  eiusque  vocatione  abducunt.  Nam  commoda  vitae  terrenae  quibus  pura  conscientia  et  Dei  permissu  frui  licet,  ea  hoc  numero  non  censentur.  Quare  semper  meminerimus  discernere  quid  nobis  Deus  permittat.  Sunt  autem  quaedam  per  se  licita,  quorum  usum  nobis  prohibent  vel  temporis  vel  loci  vel  aliarum  rerum  circumstantiae.  Quare  in  omnibus  praesentis  vitae  commodis  semper  id  spectandum,  ut  nobis  ad  sequendum  Deum  adminicula  sint,  non  impedimenta.  Et  temporales  quidem  delitias  peccati  vocat,  quae  cito  evanescunt  simul  cum  vita.  His  opponit  probrum  Christi,  quod  libenter  in  se  suscipere  debent  pii  omnes.  Nam  quos  elegit  Deus,  eos  etiam  praeordinavit  ut  fiant  imagini  filii  sui  conformes:  non  quod  ad  eundem  omnes  modum  probris  aut  alio  crucis  genere  exerceat,  sed  quod  omnes  ita  comparatos  esse  decet  ut  crucis  societatem  cum  Christo  subire  non  recusent.  Calvini  opera.  Vol.  LV.