51:161  161  CAPUT  II.  162  tuis  resurgat.  Fateor  sane  restare  nobis  aliquam  vitam,  dum  adhuc  a  Christo  sumus  alieni.  Nam  infidelitas  non  exstinguit  omnem  sensum,  nec  voluntatem,  nec  alias  animae  facultates.  Sed  quid  hoc  ad  regnum  Dei?  quid  ad  beatam  vitam,  ubi  quidquid  sentimus  ac  volumus,  mors  est?  Maneat  ergo  illud,  coniunctionem  animae  nostrae  cum  Deo  veram  eBse  et  unicam  eius  vitam:  ac  proinde  extra  Christum  nos  esse  penitus  mortuos:  quia  regnat  in  nobis  peccatum,  mortis  materia.  2.  In  quibus  aliquando  ambulastis.  Ab  effectis  vel  fructibus  evincit,  peccatum  in  ipsis  olim  regnasse.  Neque  enim  vim  peccati  satis  intelligunt  homines,  nisi  quum  emergit  in  externa  opera.  Quum  addit  secundum  saeculum  mundi  huius,  mortem  illam,  cuius  meminit,  grassari  in  hominum  natura  significat,  ut  malum  sit  universale.  Neque  enim  cursum  mundi  intelligit,  qui  a  Deo  est  ordinatus  :  neque  elementa,  ut  sunt  coelum,  et  terra,  et  aer:  sed  pravitatem,  qua  infecti  sumus  omnes,  ut  non  sit  vitium  aliquibus  peculiare,  sed  quod  totum  mundum  occupat.  Secundum  principem.  Ultra  etiamnum  progreditur,  causam  nostrae  corruptionis  hanc  demonstrans,  quod  principatum  in  nos  obtineat  diabolus.  Quo  nihil  potuit  ad  damnandum  humanum  genus  gravius  dici.  Quid  enim  nobis  facit  reliquum  qui  nos  diaboli  mancipia  esse  pronuntiat,  eiusque  arbitrio  subiacere,  quamdiu  extra  Christi  regnum  vivimus?  Merito  itaque  conditionem  nostram  horrere  debemus:  utcunque  multis  arrideat,  vel  saltem  minus  displiceat.  Ubi  nunc  liberum  arbitrium,  moderamen  rationis  et  moralis  virtus,  de  quibus  tantopere  garriunt  papistae?  quid  purum  aut  rectum  invenient  sub  tyrannide  diaboli?  Verum  prudenter  sibi  cavent,  dum  hanc  Pauli  doctrinam  abominantur  non  secus  ac  summam  haeresin.  Ego  autem  dico,  in  his  verbis  nihil  esse  obscurum:  universos  mortales,  qui  secundum  mundum,  hoc  est,  carnis  suae  ingenio,  vivunt,  sub  Satanae  regno  militare.  Porro  singulari  numero  diabolum  nuncupat,  usitato  scripturae  more:  nempe  sicut  filiis  Dei  unum  est  caput,  ita  et  impiis,  quia  utrique  suum  corpus  efficiunt.  Ergo  malorum  omnium  principatus  uni  attribuitur,  ut  fiat  una  impietatis  massa.  Quod  diabolo  potestatem  in  aere  assignat,  de  eo  postea  videbimus  capite  sexto.  Hoc  tantum  in  praesentia  notabimus,  ridiculum  fuisse  delirium,  quod  Manichaei  ex  hoc  loco  duo  principia  adstruere  conati  sint,  ac  si  quidquam,  invito  Deo,  Satan  posset.  Neque  enim  summum  imperium  concedit  illi  Paulus  quod  unius  Dei  arbitrio  non  subsit,  sed  tyrannidem  duntaxat,  quam  exerceat  Dei  permissu.  Quid  enim  est  aliud  Satan  quam  Dei  carnifex,  ut  de  hominum  ingratitudine  poenas  sumat?  Idque  sonant  Pauli  verba:  quia  dicit,  eum  esse  efficacem  in  solis  incredulis.  Nam  Calvini  opera.  Vol  LL