42:161  161  SUR  LE  XII.  CHAP.  DE  DANIEL.  162  Comment  donc  est  il  dit  en  ce  passage  que  le  prophete  Daniel  a  oy  et  qu'il  n'a  pas  entendu?  il  est  bien  certam  qu'il  estoit  attentis,  qu'il  ne  demandoit  sinon  d'estre  la  enseigne,  comme  aussi  voila  les  deux  choses  qui  sont  requises,  si  nous  voulons  que  Dieu  nous  declare  sa  volonte  c'est  en  premier  lieu,  que  nous  ne  soions  point  nonchallans  mais  que  nous  ayons  les  aureilles  dressees,  que  nous  soyons  diligens,  que  nous  recevions  la  parolle  de  Dieu,  et  que'  nous  en  facions  fruit  comme  elle  est  utile.  Et  puis  que  nous  escoutions  Dieu  parler  avec  crainte  et  reverence:  tout  cela  ha  este  au  prophete  Daniel,  et  neantmoins  il  n'a  pas  entendu  comme  il  le  declare  ici.  Or  notons  quand  Dieu  proteste  que  ce  n'est  point  en  vain  qu'il  parle  et  qu'il  ne  veut  point  frustrer  ceux  qui  demandent  d'estre  instruis  par  sa  bouche,  qu'il  ne  s'oblige  point  par  cela  de  nous  donner  pleine  et  parfaitte  intelligence  de  toutes  choses,  des  le  premier  iour,  car  il  faut  que  la  foy  ait  ses  degres.  Ainsi  donc  Dieu  enseignera  les  siens,  mais  ce  n'est  pas  a  dire  que  du  premier  iour  il  les  illumine,  et  qu'ils  connoissent  en  perfection  tout  ce  qui  est  requis,  nenni  non,  mais  il  leur  donne  telle  mesure,  qu'il  connoist  estre  bon  pour  leur  salut,  il  les  conduit  comme  en  un  chemin,  il  les  avance  de  iour  en  iour,  tellement  qu'ils  apercoivent  qu'il  se  rend  plus  familier  a  eux,  en  la  fin  ii  les  ameine  en  leur  perfection,  mais  c'est  en  les  tirant  de  ce  monde.  Voila  aussi  comme  S.  Paul  en  parle  au  quatrieme  des  Ephesiens,  car  il  dit  que  si  nous  profitons  en  la  parole  de  Dieu,  comme  nous  devons,  que  ce  sera  pour  n'estre  plus  deceus  ne  trompes,  pour  n'estre  point  pipes  des  hommes,  ne  par  les  astuces  de  Sathan,  que  nous  serons  tout  asseures  a  l'encontre  de  toutes  telles  machinations,  mais  si  faut  il  que  nous  marchions  plus  outre  tous  les  iours  iusques  a  ce  (dit-il)  que  nous  vestions  Iesus  Christ,  que  nous  parvenions  tellement  en  a^ge  d'homme,  qu'en  la  fin  nous  soions  pleinement  unis  a  luy  par  foy,  et  que  de  la  foy  nous  soions  amenes  a  cette  revelation  qui  nous  est  promise,  c'est  a  dire  que  nous  voions  face  a  face,  ce  que  maintenant  nous  ne  voions  sinon  que  comme  par  un  miroir.  Voila  donc  comme  nous  profiterons  en  l'escriture  saincte,  quand  Dieu  nous  aura  enseigne,  ce  n'est  pas  a  dire  que  du  premier  coup  nous  entendions  tout  ce  qu'il  faut  entendre  que  rien  ne  nous  faille,  mais  pource  que  Dieu  nous  conduit  comme  par  un  chemin,  il  s'accommode  et  se  rend  plus  familier,  iusques  a  ce  que  le  temps  de  perfection  soit  venu.  Or  tant  y  ha  qu'a  l'exemple  du  prophete  Daniel,  il  faut  que  nous  soions  attentifs,  et  que  nous  escoutions  Dieu  en  ce  qu'il  nous  monstre  par  sa  parole,  et  puis  avons  nous  fait  cela,  ne  doutons  point  que  Dieu  ne  besongne  tellement  que  nous  Calvini  opera.  Vol.  XLII.