29:161  161  SUR  LE  DEUTER.  CHAP.  XXXIII.  162  homme,  que  Dieu  ne  Peust  gouverne  par  son  8.  Esprit.  Et  pourquoy?  Iamais  Moyse  n'est  entre  en  la  terre  de  Canaan,  comme  nous  savons.  Iacob  est  mort  plus  de  trois  cens  ans  devant  que  les  partages  soyent  establis.  Comment  donc  les  peut-il  faire?  Et  mesmes  en  cela  pouvons-nous  voir  qu'il  n'y  a  rien  de  fortuit.  Car  Iacob  assigne  a  Nephthali,  comme  nous  verrons  encores  en  son  lieu,  il  luy  assigne  le  pays  prochain  de  la  mer,  et  ordonne  la��  a  chacun  son  partage:  et  comment  seroit-il  possible  qu'il  devinast.  Non  pas  luy  de  sa  fantasie:  mais  Dieu  qui  tient  les  sorts  en  sa  main,  (comme  dit  Salomon)  qui  dispose  ce  qui  semble  advenir  de  cas  d'aventure  par  son  conseil  admirable,  et  qui  nous  est  cache.  Dieu  donc  avoit  prononce  par  la  bouche  de  Iacob  ce  qu'il  vouloit  faire:  et  maintenant  il  monstre  que  quand  le  peuple  sera  parvenu  en  la  terre,  que  rien  n'adviendra  que  par  sa  conduite.  Or  nous  savons  que  la  lignee  d'Ephraim  et  de  Manasse  ont  este  en  un  pays  tant  gras  et  fertile,  que  c'a  este  l'abondance  de  la  terre.  Il  est  vray  que  des  autres  lignees,  comme  d'Aser,  il  y  avoit  bien  grand  pays  de  bled:  mais  ces  pays  ici  ont  este  meslez  de  tout  bien:  c'estoyent  les  pays  les  plus  delicieux  qui  fussent  en  toute  Iudee.  Nous  pouvons  donc  aiseement  recueillir,  que  Moyse  n'a  ici  rien  mis  en  avant  de  son  cerveau:  mais  que  vrayement  le  sainct  Esprit  a  gouverne  sa  langue.  Et  pourtant  nous  avons  une  grande  approbation  de  toute  sa  doctrine,  quand  nous  voyons  qu'au  Nom  de  Dieu  et  en  son  authorite  il  a  ainsi  ordonne  des  choses  a  venir,  et  que  iamais  on  n'eust  conceu.  Quand  nous  oyons  cela,  c'est  autant  comme  si  Dieu  estendoit  sa  main  du  ciel,  et  qu'il  vinst  authoriser  la  doctrine  de  Moyse,  pour  monstrer  qu'il  en  est  l'autheur,  et  qu'elle  procede  de  luy,  qu'il  ne  faut  point  qu'elle  soit  remise  en  doute,  comme  si  elle  venoit  d'une  creature.  Et  notons  bien  ceci:  car  nous  savons  que  de  nature  nous  sommes  enclins  a  desfiance:  et  n'estoit  que  nous  fussions  retenus,  que  tousiours  nous  serions  esbranslez,  et  qu'il  ne  faudroit  rien  pour  nous  divertir  du  bon  chemin,  et  de  la  certitude  de  nostre  foy.  Pour  ceste  cause  donc  notons  bien  ce  qui  est  ici  declare,  que  Dieu  en  ces  propheties  a  mostre  sans  aucune  doute  que  c'estoit  luy  qui  conduisoit  Moyse:  et  qu'il  s'en  est  servi  tellement,  que  nous  pouvons  bien  dire,  que  nous  tenons  de  Dieu  sa  doctrine,  qu'elle  est  fondee  sur  sa  vertu  immuable,  que  c'est  une  verite  infallible.  Et  pourquoy?  Car  elle  n'a  point  este  forgee  d'un  homme.  Or  venons  maintenant  au  contenu  de  ceste  benediction.  Il  est  dit:  Que  la  terre  de  Ioseph  sera  benite  de  Dieu  tant  de  la  rousee  d'enhaut,  que  des  fontaines  et  des  sources  d'embas,  c'est  a.  dire,  que  Dieu  arrousera  la  terre  et  haut  et  bas,  en  telle  Calvini  opera.  Vol  XXIX.