27:161  161  SUR  LE  DEUTER.  CHAP.  XII.  162  brouille.  Voila  pourquoy  Moyse  commence  par  ce  bout.  Mais  il  adiouste  que  ce  n'est  point  assez  d'avoir  deffriche  une  terre,  sinon  qu'on  la  cultive,  et  qu'on  la  seme,  afin  qu'elle  fructifier  car  autrement  elle  demeurera  la  toute  seiche.  Et  qu'auraon  gagne  donc  d'en  avoir  arrache  les  ronces,  et  les  espines  qui  y  estoyent  auparavant?  Voila  ce  qui  nous  est  monstre.  Or  en  premier  lieu  notons,  que  c'est  une  pure  mocquerie  quand  on  voudra  proposer  la  parolle  de  Dieu,  sans  corriger  les  vices  qui  sont  contraires  a  la  droite  religion.  Comme  auiourd'huy  on  trouvera  en  la  Papaute  de  ceux  qui  nagent  entre  deux  eaux,  de  ces  caphards  qui  auront  bien  quelque  goust  de  l'Evangile;  or  il  est  vray  qu'ils  se  vanteront  de  prescher  la  pai-olle  de  Dieu.  Mais  comment  est-ce?  Ils  verront  le  povre  monde  si  aveugle,  et  si  abruti  que  rien  plus,  qu'il  ne  sera  question  que  de  s'amuser  aux  idolatries,  et  superstitions:  cependant  ce  leur  sera  assez  de  dire:  II  y  a  un  Dieu  qu'il  nous  faut  adorer.  Encores  n*oseront-  ils  pas  dire  qu'il  le  faille  adorer  seul:  mais  adorons  Dieu,  disent-ils.  Et  les  Payens  n'en  dirontils  pas  autant?  Les  Papistes  mesmes  ne  l'ont-ils  pas  tousiours  dit?  Apres  ils  diront:  Nous  avons  Iesus  Christ  pour  nostre  advocat:  mais  ils  verront  qu'on  le  laisse  la  derriere,  et  qu'on  trotte  apres  les  patrons  que  le  monde  s'est  forge  ca  et  la,  et  mesmes  ils  entretiendront  le  povre  monde  en  telles  abusions,  mesmes  ils  feront  accroire  (comme  traistres  a  Dieu,  et  a  son  Eglise)  que  ce  n'est  point  mal  fait  de  communiquer  a  toutes  les  abominations  qui  s'y  commettent.  Or  nous  voyons  l'intention  de  Dieu  toute  contraire.  Car  Moyse  ne  dit  pas  seulement:  Vous  servirez  au  Seigneur  vostre  Dieu:  mais  devant  que  venir  la:  Vous  demolirez  les  autels,  vous  briserez  les  marmousets,  vous  bruslerez  'les  bois,  et  raclerez  tout  ce  qui  a  servi  a  mal,  ils  faudra  que  tout  cela  soit  aboli.  Et  pourquoy?  Car  si  le  peuple  fust  demeure  en  telles  infections,  il  estoit  impossible  que  Dieu  fust  adore  purement.  Ce  n'est  point  donc  assez  qu'on  donne  quelque  goust  de  la  verite  de  Dieu:  mais  si  nous  voyons  que  les  mensonges  ayent  encores  la  vogue,  il  faut  que  cela  soit  retranche,  qu'on  crie  a  l'encontre,  qu'on  reforme  les  hommes,  qu'on  les  retire  au  bon  chemin,  et  qu'on  ne  les  souffre  plus  d'ainsi  errer.  Mais  cependant  aussi  apprenons,  que  quand  on  crie  ontre  les  superstitions,  il  n'en  faut  point  demeurer  la:  mais  que  sur  tout  il  faut  venir  au  restablissement  du  service  de  Dieu  :  comme  Moyse  en  parle.  Car  voila  qui  est  cause  qu'auiourd'huy  il  y  a  tant  d'Epicuriens  au  monde,  et  de  gens  qui  ressemblent  plustost  des  porceaux,  et  des  bestes  brutes,  que  des  creatures  humaines.  Et  pourquoy?  Ils  sont  contens  de  se  mocquer  de  toutes  les  sottises,  et  ignorances  des  incredules:  mais  ils  n'ont  iamais  cogneu  que  c'est  d'adorer  Calvini  opera.  Vol  XXVII.