21:161  161  VITA  CALVINI.  162  media  poterant  adhibebant,  nec  quisquam  hominum  fuit  qui  medicorum  praecepta  accuratius  observaret:  caeteroquin,  quod  ad  animi  labores  attinet,  valetudinis  negligentissimus,  adeo  ut  illum  ne  acerrimi  quidem  hemicraneae  dolores  a  concionando  unquam  prohibuerint.  Tot  autem  morbis  oppressum  nemo  ne  voculam  quidem  audivit  emittentem  forti,  nedum  christiano,  viro  indignam.  Tantum  oculos  in  coelum  [C  8]  attollens:  Usquequo,  inquiebat,  Domine!  hoc  enim  etiam  valens  tanquam  symbolum  in  ore  habebat,  agens  de  fratrum  calamitatibus,  quibus  noctes  ac  dies  magis  etiam  quam  suis  ullis  malis  afficiebatur.  Admonentibus  et  obtestantibus  nobis,  ut  saltem  aegrotus  ab  omni  dictandi  aut  saltem  scribendi  labore  abstineret:  Quid  ergo,  inquiebat,  vultis  me  otiosum  a  Domino  deprehendi?  Die  Martii  X.,  quum  ut  saepe  consueveramus  ad  eum  una  venissemus,  deprehendimus  illum  vestitum  et  suae  mensulae  ad  quam  scribere  aut  meditari  solebat  assidentem,  unde  conspectis  nobis,  postquam  aliquamdiu  fronte  in  alteram  manum,  ut  meditans  consueverat,  inclinata  conticuisset,  tandem,  voce  subinde  interrupta,  sed  blando  et  renidente  vultu:  At  ego,  inquit,  vobis,  carissimi  fratres,  magnas  gratias  ago  de  vestra  pro  me  sollicitudine,  et  spero  me  intra  quindecim  dies  (is  autem  morum  censuris  de  more  destinatus  erat)  vestro  coetui  postremum  interfuturum.  Tum  enim  opinor  Dominum  patefacturum,  quid  de  me  statuerit,  et  fore  ut  me  ad  se  recipiat.  Interfuit  igitur  censuris,  ut  ante  consueverat,  eiusdem  mensis  XXIV.,  iisque  pacifice  peractis  sentire  se  dixit,  nonnihil  dilationis  sibi  a  Domino  concessum:  acceptoque  in  manus  novo  Testamento  gallico,  quaedam  nobis  in  subiectis  adnotationibus  legit  ipsemet,  et  de  iis  fratres  consuluit,  quod  eas  quoque  emendandas  suscepisset.  Postridie  peius  habuit  quasi  pridiano  labore  fatigatus.  XXVII,  vero  ad  curiae  fores  delatus,  pedibus  in  senatoriam  usque  aulam  comitibus  duobus  innixus  ascendit,  ibique  novo  rectore  scholae  senatui  oblato,  aperto  capite  gratias  egit  pro  acceptis  ante  beneficiis,  ac  nominatim  quod  in  hoc  suo  ultimo  morbo  tantam  sui  rationem  senatus  habuisset.  Nam  sentio,  inquit,  me  postremum  in  hunc  locum  venisse.  Quae  vix  deficiente  voce  effatus  moestis  ac  lacrimantibus  vale  dixit.  Secunda  die  Aprilis,  qui  dies  erat  Paschae,  quamvis  postratis  viribus  tamen  sellula  in  templum  delatus  toti  concioni  interfuit,  coenam  Domini  ex  mea  manu  accepit,  eoque  vultu  hymnum  cum  aliis  quanquam  tremula  voce  cecinit,  ut  non  obscura  laetitiae  signa  in  moribundi  vultu  elucerent.  XXV.  Aprilis  Testamentum  totidem  verbis,*)  condidit.  1)  hisce  verbis  sed  gallice  dictatis  (rece.)  Calvini  opera  Vol.  XXI.