10.1:161  CONSILIA.  pacificans  per  sanguinem  crucis  eius,  ete.  (Col*  1,  20).  Item:  Erat  Deus  in  Christo  mundum  sibi  reconcilians,  non  imputans  hominibus  peccata  (2.  Cor.  5,  li)).  Item:  Gratos  nos  habuit  in  dilecto  filio  (Ephes.  1,  6).  Item:  Ut  ambos  in  unum  hominem  reconciliaret  Deo  per  crucem  (Ibid.  2,  15).  Ratio  huius  mysterii  ex  1.  ad  Ephesios  capite  petenda  est,  ubi  postquam  docuit  Paulus,  nos  in  Christo  fuisse  electos,  simul  addit,  nos  in  eodem  gratiam  esse  adeptos.  Quomodo  coepit  Deus  favore  suo  complecti  quos  ante  conditum  mundum  dilexerat,  nisi  quia  amorem  suum  exseruit,  ubi  reconciliatus  est  Christi  sanguine?  Nam  quia  Deus  fons  est  omnis  iustitiae,  necesse  est,  ut  homo  quamdiu  peccator  est,  illum  habeat  hostem,  et  iudicem.  Quare  principium  amoris  est  iustitia,  qualis  a  Paulo  describitur  :  Eum  qui  peccatum  non  noverat,  pro  nobis  peccatum  fecit,  ut  essemus  iustitia  Dei  in  ipso  (2.  Cor.  5,  21).  Significat  enim  gratuitam  iustitiam  adeptos  Christi  sacrificio,  ut  Deo  placeamus,  qui  natura  sumus  filii  irae,  et  per  peccatum  alienati  (Ephes.  2,  3).  Quod  autem  vere  Christus  sua  obedientia  nobis  gratiam  apud  patrem  acquisierit  ac  promeritus  sit,  ex  pluribus  scripturae  locis  certo  et  solide  colligitur.  Nam,  teste  Paulo,  reconciliati  sumus  et  reconciliationem  accepimus  per  eius  mortem  (Rom.  5,  10).  Atqui  reconciliatio  locum  non  habet,  nisi  ubi  offensio  praecessit.  Sensus  ergo  est,  Deum,  cui  propter  peccatum  eramus  exosi,  morte  filii  sui  placatum  fuisse,  ut  nobis  sit  propitius.  Ac  diligenter  notanda  est  quae  paulo  post  sequitur  antithesis:  Sicut  per  transgressionem  unius  peccatores  constituti  sunt  multi,  sic  per  obedientiam  iusti  constituentur  (Ibid.  v.  19).  Sensus  enim  est,  sicut  Adae  peccato  alienati  a  Deo  sumus,  et  destinati  ad  interitum,  ita  Christi  obedientia  nos  in  favorem  recipi  tanquam  iustos.  Nec  futurum  verbi  tempus  praesentem  iustitiam  excludit,  sicuti  ex  contextu  apparet.  Nam  et  prius  dixerat  xaoiGiia  ex  multis  delictis  esse  in  iustificationem.  Caeterum,  quum  diximus  Christi  merito  partam  nobis  esse  gratiam,  hoc  intelligimus,  sanguine  eius  nos  fuisse  mundatos,  et  eius  mortem  expiationem  fuisse  pro  peccatis:  sanguis  eius  emundat  nos  a  peccato  (1.  Ioann.  1,  7).  Hic  sanguis  est  qui  effunditur  in  remissionem  peccatorum.  {Si  hic  effectus  est  fusi  sanguinis,  ut  non  imputentur  nobis  peccata,  sequitur  eo  pretio  satisfactum  esse  iudicio  Dei.  Quo  pertinet  illud  Baptistae  :  Ecce  agnus  Dei  qui  tollit  peccata  mundi  (Ioann.  1,  29).  Nam  omnibus  legis  sacrificiis  Christum  opponit,  ut  impletum  in  eo  solo  doceat,  quod  figurae  illae  monstrarunt.  Scimus  autem  quod  passim  dicat  Moses:  Expiabitur  iniquitas,  peccatum  delebitur  ac  remittetur.  Denique  in  veteribus  figuris  optime  docemur,  quae  sit  mortis  Christi  vis  et  efficacia*  Et  hanc  Calvini  opera.  Vol.  X