1:161  [CO  1.  161]  deunt,  sed  peccata  peccatis  accumulant,  donec  omnia,  ut  opinantur,  simul  evomant.  Ubi  autem  evomuerunt,  sarcina  sua  exonerati  sibi  videntur  iudicium  a  Deo  transtulisse,  quod  sacerdoti  detulerunt;  Deo  oblivionem  induxisse,  ubi  conscium  sacerdotem  fecerunt.  Porro  quis  confessionis  diem  laetus  instare  videt?  Quis  ad  confitendum  alacri  animo  pergit,  ac  non  potius,  quasi  obtorto  collo  in  carcerem  trahatur,  invitus  ac  reluctanti  similis  venit,  nisi  forte  ipsi  sacrificuli, [p. 328]  qui  mutuis  [OS  185]  facinorum  suorum  narrationibus,  quasi  iocosis  fabulis,  se  delicate  oblectant.  Non  multas  chartas  inficiam  referendis  prodigiosis  abominationibus,  quibus  scatet  auricularis  confessio.  Tantum  dico:  si  non  inconsulte  fecit  sanctus  ille  vir,  qui  ob  unum  scortationis  rumorem,  confessionem  ex  ecclesia  sua,  vel  potius  e  suorum  memoria  sustulit,  infinitus  hodie  stupris,  adulteriis,  incestibus,  lenociniis,  quid  factu  opus  sit,  admonemur.  Nunc  videndum  de  potestate  clavium  in  qua  proram,  ut  aiunt,  et  puppim  confessionarii  sui  regni  locant.  Ergo  sine  causa,  inquiunt,  datae  sunt  claves?  Ergo  sine  causa  dictum  est:  quaecunque  solveritis  super  terram,  erunt  soluta  et  in  coelis?  Frustramus  ergo  verbum  Christi?  Respondeo:  gravem  fuisse  causam,  cur  darentur  claves.  Duo  autem  sunt  loci,  quibus  testatur  Dominus,  ligatum  et  solutum  iri  in  coelo,  quod  sui  in  terra  ligaverint  et  solverint,  paulo  diverso  sensu,  quos  insulse  porci  isti  et  inscite  (ut  solent  omnia)  confundunt.  Alter  est  apud  Ioannem  (Ioan.  20),  ubi  Christus  missurus  discipulos  SUOS  ad  praedicandum,  insufflat  in  eos  ac  dicit:  accipite  spiritum  sanctum;  quorumcunque  remiseritis  peccata,  remittuntur  eis,  et  quorum  retinueritis,  retenta [p. 329]  sunt.  Claves  regni  coelorum,  quae  Petro  antea  promissae  (Matth.  16),  nunc  illi  una  cum  caeteris  apostolis  exhibentur;  nec  illi  quidquam  promissum  erat,  quod  non  hic  ex  aequo  cum  omnibus  accipiat.  Illi  dictum  erat:  dabo  tibi  claves  regni  coelorum;  his  dicitur,  ut  evangelium  praedicent;  quod  ipsum  est  coelestis  regni  ianuas  aperire  iis,  qui  per  Christum  accessum  ad  patrem  quaesierint,  claudere  vero  et  obserare  iis,  qui  ab  hac  via  diverterint.  Illi  dictum  erat:  quodcunque  ligaveris  super  terram,  erit  ligatum  in  coelis;  quodcunque  solveris,  erit  solutum.  Nunc  apostolis  omnibus,  inter  quos  et  ipse  est,  dicitur:  quorum  remiseritis  peccata,  remissa  erunt,  quorum  retinueritis,  retenta  erunt.  Ligare  itaque  peccata  retinere  est;  solvere,  remittere.  Et  sane  peccatorum  remissione  vere  solvuntur  e  durissimis  compedibus  conscientiae,  ut  rursum  retentione  arctissimis  vinculis  ligantur  et  constringuntur.  Afferam  interpretationem  non  argutam,  non  coactam,  non  detortam,  sed  simplicem,  germanam,  fluentem,  obviam.  Hoc  de  remittendis  et  retinendis  Calvini  opera.  Vol.  I.