9:160  totus  in  hoc  est  contra  Donatistas  Augustinus,  ut  doceat  quae  bona  sunt,  male  utentium  vitio  naturam  non  mutare,  ne  ideo  baptismus  censeatur  nullus  esse,  quia  incredulis  propter  abusum  non  prodest.  Hac  ratione  si  dicat  Augustinus  Iudam  corporis  Christi  fuisse  participem  nihil  mirum  est,  modo  hoc  ad  signum  visibile  restringas:  quod  alibi  se  sentire  admonet.  Nec  vero  aliter  staret  quod  alibi  l)  ab  ipso  ponitur  discrimen,  alios  sumpsisse  panem  Dominum,  Iudam  non  nisi  panem  Domini.  Imo  Westphalus  ipse  quasi  praevaricator  nos  adiuvat,  Petrum  et  Iudam  de  eodem  pane  comedisse  referens.  Iam  quasi  Augustinum  sibi  iure  vendicaverit,  locos  diluere  [pag.  57]  aggreditur,  quos  a  nostris  perfide  et  depravate  citatos  fuisse  dicit.  Scire  autem  ve,lim  ubinam  sita  sit  perfidia  vel  depravatio.  An  quia  sit  aliquid  in  verbis  mutatum,  sicuti  Westphalus  ipse  aliud  subinde  pro  alio  suggerit?  an  quod  nostri  ea  in  suum  commodum  torquendo,  perperam  a  genuino  sensu  in  alienum  transferant?  Atqui  syllabam  ab  ipsis  falso  productam  esse  ne  Westphalus  quidem  dicet.  Ideoque  restat  secundum  illud,  male  et  intempestive  citari  quae  aliter  intelligi  voluit  Augustinus.  Ergone  si  quis  minus  apposite  testem  pro  se  Augustinum  adducat,  perfidus  statim,  ac  depravator  censendus  erit?  Sic  quidem  placet  Westphalo.  Nec  vero  legem  hanc  quantumvis  duram  recuso.  Subeamus  ergo  perfidiae  crimen,  modo  inscitiam  ipse  coarguat.  Hac  in  parte  bonus  vir  tergiversatur.  Quid  enim  faceret?  Et  quo  meliore  compendio  se  expediat,  localem  Christi  in  coena  praesentiam  dicit  nos  tribus  modis  [pag.  58]  evertere,  quia  vel  tropum  confingimus,  vel  obtendimus  spiritualem  esse  manducationem,  vel  corpus  Christi  negamus  esse  immensum.  Haec  capita  quum  ex  Augustino  probanda  nostri  susceperint,  videamus  quo  artificio  eos  refellat  Westphalus.  Ac  de  figura  quidem  disputans,  negat,  xlugustinum  usquam  verba  Christi:  Hoc  est  corpus  meum,  ita  interpretari  quasi  panis  corpus  significet.  Hoccine  est  perfidiae  convincere,  ubi  verbis  minime  obscuris  instructi,  ingenue  prodimus  in  medium?  Augustini  verba  sunt,  Dominum  non  dubitasse  dicere:  Hoc  est  corpus  meum,  quum  signum  daret  corporis  sui.  Et  quorsum  ita  loquitur?  ut  scripturam  saepe  figurate  loqui  probet.  Dicit  alibi  Christum  primo  convivio  Iudam  adhibuisse,  in  quo  discipulis  figuram  corporis  sui  commendavit  et  tradidit.  Dicit  item,  panem  coenae  quodammodo  esse  Christi  corpus,  quia  sacramentum  est  corporis.  Locum  ex  libro  III  de  Doctrina  christiana  [pag.  59]  edisserens,  quam  dextre  elabitur?  In  genere,  inquit,  admonet  fideles,  non  haerendum  esse  in  signis,  quin  ad  res  signatas  magis  attenti  sint.  Hoc  tametsi  sancto  viro  consilium  fuisse  non  infitior,  dili-  1)  Tractatu  in  Ioann.  59.