8:160  bien  les  deux  ministres  de  Vivei1)  qui  en-  furent  fort  esmerveillez  et  de  reehief  le  ministre  de  Vegy  dict  a  Me.  Pierre  Viret  que  l'on  me  debvoit  ouyr  et  ledict  Me.  Pierre  Viret  luy  respondist  que  cela  avoit  este  faict  et  a  Geneve  et  a  Lausanne  et  que  il  nen  falloit  plus  parler.  Au  4.  ie  respondz  que  Dien  ha  esleu  d'entre  les  hommes  ceulx  quil  luy  a  pleu  cest  adire  en  Iesuschrist  sans  lequel  nul  nest  aggreable  a  Dieu  comme,  dict  lapostre  et  ne  les  ha  esleuz  pour  bien  qui  fut  en  iceulx  premierement  quil  les  eust  esleu  ains  pour  sa  seule  gratuite  et  grace.  Au  5.  ie  respondz  que  la  foy  ne  depend  dellection  mais  que  debvons  ensemblement  considerer  foy  et  election  car  devant  que  lhomme  doibve  estre  considere  esleu  de  Dieu  il  fault  que  il  soit  ayme  et  devant  que  nous  le  considerions  ayme  de  Dieu  il  fault  que  nous  regardions  en  vertu  de  qui  nous  sommes  aymez  de  Dieu  qui  est  Iesuschrist:  donc  en  Dieu  auquel  ne  y  a  ne  avant  ne  apres  sont  presentes  ces  troys  choses,  la  conionction  de  lhomme  avec  son  filz  par  foy  et  la  dilection  qui  vient  par  icelle  foy  et  Pellection  du  fidelle  laquelle  est  par  la  foy  en  Iesuschrist  et  ad  ce  concordent  les  saincts  docteurs  enciens  et  apresent  troys  personnes  doctes  et  de  bonne  estime:  Melancton,  Bulinger  et  Brence  avec  aultres.  Au  6.  ie  respondz  que  les  aultres  ne  demeurent  point  en  leur  aveuglement  de  la  corruption  de  leur  nature  ains  sont  deument  par  la  grace  de  Dieu  illuminez  laquelle  comme  dict  sainct  Pol  est  tousiours  donnee  plus  habundamment  daultant  que  le  peche  est  habundant  et  quo  ceulx  qui  disent  que  il  sont  delaissez  de  Dieu  en  leur  aveuglement  car  il  le  veult  ainsi  font  deshonneur  a  Dieu  et  entendent  mal  lescripture  saincte  et  parlent  contre  icelle  du  nombre  desquelz  est  ledict  sieur  Calvin.  Au  7.  ie  respondz  quil  est  ainsi.  Au  8.  ie  respondz  quil  y  a  ambiguite  en  ce  mot  de  attraction  car  il  y  a  attraction  violente  laquelle  ie  ne  recoys  point:  il  y  a  une  attraction  doulce  et  paternelle  de  laquelle  Dieu  use  envers  ses  creatures  raisonnables  et  que  generallement  il  Pa  communique  a  tous  ne  abandonnant  aulcun  sinon  ceulx  qui  la  desprisent  et  y  sont  rebelles  car  telz  apres  avoir  rebelle  contre  la  grace  et  douces  ammonitions  de  Dieu  par  plusieurs  foys  ilz  sont  delaissez  puis  apres  mais  non  du  commancenaent  et  du  propoz  et  decret  de  Dieu.  Au  9.  ie  respondz  que  pour  recepvoir  la  foy  il  fault  que  Dieu  change  le  cueur  de  pierre  cest  adire  obstine  et  endurcy  a  mal  faire  et  qu'il  leur  donne  ung  cueur  de  chair  cest  adire  capable  de  entendre  1)  Vevet  V.  a