55:160  parvae  fidei  argumentum  est.  Unde  enim  tanta  animi  magnitudo,  ut  quidquid  in  mundo  est  sublime,  despiciat,  quidquid  pretiosum  est,  ducat  pro  nihilo,  nisi  quod  in  coelum  conscenderat?  Quod  ossa  sua  iubet  exportari��  in  eo  sui  rationem  non  habet,  quasi  sepulcrum  ei  dulcius  futurum  esset  vel  melius  in  terra  Chanaan  quam  in  Aegypto:  sed  tantum  voluit  gentis  suae  desiderium  acuere,  ut  vehementius  ad  redemptionem  adspirarent.  Voluit  et  fidem  confirmare,  ut  certo  sperarent  se  tandem  liberatum  iri.  23.  Fide  Moses,  quum  natus  esset,  occultatus  fuit  tres  menses  a  parentibus  suis,  quia  videbant  elegantem  puellum,  et  non  timuerunt  edictum  regis.  24.  Fide  Moses  iam  grandis  renuit  vocari  filius  filiae  Pharaonis.  25.  Potius  eligens  malis  affici  cum  populo  Dei,  quam  temporales  habere  peccati  delitias  :  26.  maiores  existimans  divitias  probrum  Christi  quam  Aegypti  thesauros.  Intuebatur  enim  in  remunerationem.  27.  Fide  reliquit  Aegyptum,  nec  timuit  furorem  regis:  quasi  enim  invisibilem  vidisset,  obduruerat.  23.  Fide  Moses.  Fuerant  etiam  alii,  et  quidem  profani  homines,  qui  non  Dei  timore,  sed  tantum  sobolis  propagandae  studio  liberos  suos  non  absque  periculo  servarunt.  Sed  apostolus  alia  ratione  impulsos  fuisse  docet  parentes  Mosis  ut  eum  servarent  :  nempe,  quia  Deus  promiserat,  quum  servitute  oppressi  essent,  vindicem  aliquando  se  fore:  hac  fiducia  freti  infantem  saluti  suae  praetulerunt.  Sed  videtur  hoc  fidei  naturae  contrarium,  quod  dicit  eos  formae  elegantia  adductos.  Scimus  enim  reprehensum  fuisse  Isai,  quum  filios  suos  offerret  Samueli,  prout  quisque  forma  excellebat.  Et  certe  Deus  nos  in  externis  larvis  non  detinet.  Respondeo,  non  illectus  fuisse  pulchritudine  parentes  Mosis,  ut  misericordia  tangerentur  ad  eum  servandum,  qualiter  vulgo  solent  affici  homines:  sed  aliquam  veluti  notam  futurae  excellentiae  fuisse  insculptam  in  puero,  quae  rarum  nescio  quid  de  eo  promitteret.  Non  ergo  dubium  est  quin  adspectu  ipso  in  spem  propinquae  liberationis  excitati  fuerint,  eo  quod  puerum  magnis  rebus  gerendis  confiderent  destinatum  esse.  Porro  hoc  multum  ponderis  apud  Iudaeos  habere  debuit,  quum  audirent  Mosen  redemptionis  suae  ministrum  mirabiliter  ex  morte  fuisse  ereptum  fidei  beneficio.  Notandum  tamen  est,  fidem,  quae  hic  laudatur,  valde  fuisse  imbecillam.  Nam  quum  posthabito  mortis  suae  metu  Mosen  deberent  educare,  eum  exponunt.  Patet  igitur  illorum  fidem  brevi  non  tantum  vacillasse,  sed  fuisse  collapsam:  saltem  partes  suas  deserunt,  ubi  infantem  proiiciunt  ad  ripam  fluminis.  Sed  eo  magis  nos  animari  convenit,  dum  audimus  fidem,  licet  infirmam,  Deo