52:160  tur  nobis  Deus  ut  vitiis  nostris  ignoscat,  reliqua  omnia  praecedit:  sicuti  fundamentum  prius  aedificio  est.  Caeterum  non  docet  Paulus  qualis  in  hoc  mundo,  vel  quanta  possit  esse  fidelium  sanctitas,  sed  eam  cupit  augeri,  donec  evadat  in  suam  perfectionem.  Ideo  dicit,  in  adventu  Domini:  significans  eo  usque  differri  eorum  complementum  quae  nunc  in  nobis  Dominus  inchoat.  Cum  omnibus  sanctis.  Bifariam  exponi  potest  haec  particula,  vel  ut  pura  habeant  corda  Thessalonicenses  cum  omnibus  sanctis  in  Christi  adventu:  vel  quod  Christus  venturus  sit  cum  sanctis  suis.  Tametsi  hoc  secundum  recipio,  quod  ad  verborum  syntaxin  pertinet:  non  tamen  dubito  quin  sanotos  ideo  nominaverit  Paulus,  ut  admoneret  nos  in  eum  finem  vocari  a  Christo,  ut  cum  omnibus  sanctis  colligamur:  haec  enim  cogitatio  studium  sanctitatis  acuere  in  nobis  debet.  CAPUT  IV.  1.  Ergo  quod  reliquum  ess,  fratres,  rogamus  vos  et  obsecramus  in  Domino  Iesu,  quemadmodum  accepistis  a  nobis,  quomodo  oporteat  vos  ambulare  et  piacere  Deo,  ut  abundetis  magis:  2.  nostis  enim  quae  praecepta  dederimus  vobis  per  Dominum  Iesum.  3.  Haec  enim  est  voluntas  Dei,  sanctificatio  vestra:  ut  vos  abstineatis  ab  omni  scortatione,  4.  et  sciat  unusquisque  vestrum  suum  vas  possidere  in  sanctificatione  et  honore:  5.  non  in  affectu  concupiscentiae,  quemadmodum  et  gentes  quae  non  noverunt  Deum.  1.  Quod  reliquum  est.  Hoc  caput  varias  praeceptiones  continet:  quibus  Thessalonicenses  ad  sanctam  vitam  instituit,  vel  in  eius  studio  confirmat.  Prius  didicerant  quaenam  esset  pie  vivendi  regula  et  ratio:  hoe  illis  in  memoriam  revocat:  Quemadmodum,  inquit,  edocti  estis.  Porro  ne  videatur  illis  adimere  quod  dederat,  non  simpliciter  hortatur  ut  sic  ambulent,  sed  ut  abundent  magis.  Quum  ergo  profectum  urget,  innuit  iam  eos  in  via  esse.  Summa  est,  hoc  in  primis  curandum,  ut  in  suscepta  doctrina  proficiant:  quam  Paulus  videtur  frivolis  et  inanibus  studiis  opponere,  quibus  videmus  bonam  mundi  partem  adeo  ut  plurimum  occupari,  ut  vix  postremum  locum  teneat  utilis  sanctaque  vitae  rite  formandae  meditatio.  Admonet  ergo  Paulus  quomodo  instituti  fuerint,  atque  huc  toto  studio  iubet  eniti.  Porro  hic  nobis  lex  praescribitur,  ut  obliviscentes  quae  retro  sunt,  semper  tendamus  ad  ulteriorem  progressum  :  atque  huc  simul  incumbere  pastores  debent.  Quod  autem  rogat,  quum  iure  imperare  possit,  humanitatis  ac  modestiae  est:  quam  imitari  debent  pastores,  ut  comiter,  si  fieri  potest,  populum  alliciant  magis  quam  violenter  cogant.