5:160  quae  immodica  quaedam  habitudo  [pag.  155]  est,  facile  sanitatem  utpote  modicam  demutat.  Fit  autem  mutatio  naturali  corporum  inter  se  consensu.  Ad  omnium  oscitationem  ipsum  os  diducere]  Oscitatio  ab  ore  ciendo,  id  est  commovendo  dicta,  ut  docet  Donatus  in  Andriam;  provenit  plerumque  ex  supina  securitate  et  ignavia.  Interdum  tamen  naturae  vitium  magis  quam  hominis:  undo  oscedo  appellatur,  ut  meminit  G-ellius  libro  IV.  capite  ultimo.  Et  hoc  naturale  esse  putat  Alexander,  ut  qui  oscitantem  videant,  et  ipsi  oscitent:  quia  natura  animantium,  maximeque  ratione  carentium,  similitudinum  quendam  consensum,  itemque  affectuum  habet  :  atque  ita  fit  ut  meiente  asello,  caeteri  item  meiant,  quum  sint  urina  repleti.  Vacuus]  Id  est,  omni  affectione  et  passione  animi  vel  misericordia  vel  aegritudine  solutus  ac  liber.  Quum  enim  sine  adiecto  ponitur,  id  significat.  Ovidius  Tristium  IL:  Aut  si,  quod  mallem,  vacuus  fortasse  fuisses.  Et  in  epistola  Sapphus:  Proveniunt  vacuae  carmina  mentis  opus.  Cicero  Verrina  II.:  Animo  coepi  multo  magis  vacuo  ac  soluto  nihil  aliud  nisi  de  iudiciis  agere  et  cogitare.  Poenae  meritae  remissio]  Controversia  in  verbis  est:  de  re  quidem  convenit.  Cur  enim  qui  veniam  largitur,  potius  poenam  meritam  remittere  dicitur,  quam  ignoscere,  et  quadam  facilitate  poenam  temperare?  Deinde  nihil  obstat  quo  minus  clementia  aliquid  remittat  quod  severitas  iure  et  merito  puniret.  Potest  igitur  clementia  meritam  poenam  remittere,  si  id  ex  causa  faciat.  CAPUT  VII.  Ego  ut  breviter  tanquam  in  alieno  iudicio  dicam,  ei  ignoscitur,  qui  puniri  debuit.  Sapiens  autem  nihU  facit  quod  non  debet,  nihil  praetermittit  quod  debet.  Itaque  poenam  quam  exigere  debet,  non  donat  :  sed  illud  quod  ex  venia  consequi  vis,  honestiore  tibi  via  tribuit  Parcit  enim  sapiens,  consulit  et  corrigit  Idem  facit  quod  si  ignosceret,  nec  ignoscit:  quoniam  qui  ignoscit,  fatetur  aliquid  se,  quod  fieri  debuit,  omisisse.  Aliquem  verbis  tantum  admonebit,  poena  non  afficiet,  aetatem  eius  emendabilem  intuens.  Aliquem  invidia  criminis  manifeste  laborantem,  iubebit  incolumem  esse:  quia  deceptus  est:  [pag.  156]  quia  per  vinum  lapsus.  Hostes  dimittet  salvos,  aliquando  etiam  laudatos,  si  honestis  causis,  pro  fide,  pro  foedere,  pro  Ubertate  ir  bellum  accincti  sunt.  Haec  omnia  non  veniae,  sed  clementiae  opera  sunt.  Clementia  liberum  arbitrium  habet:  non  sub  formula,  sed  ex  aequo  et  bono  iudicat:  et  absolvere  Uli  licet,  et  quanti  vult  aestimare  litem.  Nihil  ex  his  facit  tanquam  iusto  minus  fecerit:  sed