29:160  Iacob:  car  il  use  de  beaucoup  de  mots,  qui  sont  en  ce  quarante  neufiesme  chapitre  de  Genese.  En  partie  donc  Moyse  ne  fait  que  reciter  ce  qu'il  avoit  escrit  en  la  personne  de  Iacob.  Et  ceci  n'est  pas  superflu:  mais  Dieu  renouvelle  ses  promesses,  et  les  ratifie,  afin  qu'elles  soyent  tant  mieux  asseurees.  Et  aussi  il  estoit  besoin  de  telle  confirmation,  afin  que  les  autres  lignees  ne  murmurassent  point  contre  celles  de  Ioseph.  Nous  savons  que  ce  peuple-la  a  este  fort  mutin  et  rebelle,  et  qu'il  y  a  eu  grande  difficulte  de  le  tenir  en  bride.  Or  Iacob  avoit  donne  double  partage  a  son  fils  Ioseph,  pource  qu'il  avoit  deux  enfans,  Ephraim  et  Manasse.  Il  avoit  dit  que  Ioseph  representeroit  deux  testes  en  la  maison:  pource  que  la  lignee  de  Levi  estoit  exclue,  et  qu'elle  n'avoit  point  de  portion  en  la  terre:  seulement  elle  prenoit  les  decimes  et  les  oblations.  Or  les  successeurs  pouvoyent  dire:  Et  nostre  pere  Iacob  a  bien  voulu  faire  cest  avantage  a  son  fils  Ioseph  :  mais  c'estoit  d'une  affection  ardente,  pource  que  Ioseph  l'avoit  secouru  en  sa  necessite,  et  qu'il  avoit  nourri  nos  peres  du  temps  de  la  famine.  Mais  quoy?  faut-il  pourtant  qu'ils  ayent  ici  deux  testes,  et  que  nous  soyons  diminuez  d'autant?  Pource  que  le  peuple  pouvoit  encores  plaider  pour  ce  partage  qui  avoit  este  assigne,  et  se  pouvoit  rebecquer  quand  ce  fust  venu  a  l'entree  de  la  terre  de  Canaan,  Moyse  ratifie  ce  qui  auparavant  avoit  este  declare,  c'est  assavoir  que  Ioseph  tiendra  le  partage  qui  luy  a  este  donne,  et  qu'il  representera  deux  chefs  en  la  lignee  de  Iacob,  et  qu'il  aura  les  dixaines  de  milliers  d'Ephraim,  et  les  milliers  de  Manasse.  Nous  voyons  maintenant  a,  quel  propos  Moyse  a  recite  les  parolles  de  Iacob.  Et  notons  aussi  quand  il  dit,  qu'il  est  Nazarien  entre  ses  freres.  Car  le  mot  dont  il  use  peut  estre  prins  pour  couronne:  comme  s'il  disoit,  qu'il  sera  la  gloire  de  ses  freres.  Vray  est  que  cela  n'a  point  dure  tousiours,  c'a  este  une  dignite  temporelle,  pource  qu'il  falloit  qu'en  la  fin  la  lignee  de  Iuda  parvinst  au  sceptre  royal,  et  qu'elle  eust  la  principaute  sur  tout  le  corps.  Et  Ioseph  alors  a  este  range.  Mais  pour  un  temps  il  a  este  la  couronne  de  ses  freres.  Or  cependant  il  met  le  mot  de  Separation.  Il  a  donc  este  separe  du  milieu  de  ses  freres,:  non  pas,  comme  on  l'expose,  pource  qu'il  a  este  vendu  en  Egypte:  car  c'est  tout  au  rebours:  plustost  il  est  nomme  Nazarien  par  honneur,  que  Dieu  l'a  choisi,  et  qu'il  l'a  mis  en  un  rang  a  part,  qu'il  n'est  point  de  l'ordre  commun:  mais  qu'il  a  comme  la  primogeniture,  d'autant  qu'il  prend  double  portion  en  l'heritage.  Voila  pourquoy  il  est  appelle  Nazarien.  Or  ici  nous  avons  a  noter  en  premier  lieu,  que  tout  ce  qui  est  recite  par  Moyse,  que  ce  qui  avoit  este  dit  pcir  Iacob,  a  este  une  prophetie  venant  de  Dieu,  que  ceci  ne  pouvoit  pas  estre  dit  de  la  bouche  d'un