21:160  ritur.  Atqui  hoc  ipso  die  accidit  ille  apud  Druydas  acerrimus  conflictus,  de  quo  aliquot  post  diebus  Genevae  fuit  renunciatum.  Anno  consequente,  nempe  LXIII,  sic  exacerbati  sunt  eius  morbi  iique  multiplices,  *)  ut  plane  sit  incredibile  in  corpusculo  tam  imbecillo,  tot  laboribus  exhausto,  tot  denique  morbis  attrito,  tam  fortem  ac  generosum  animum  contineri  diutius  potuisse,  siquidem  ne  tunc  quidem  adduci  potuit,  ut  sibi  parceret.  Imo  si  quando  (quod  nunquam  nisi  penitus  invitus  fecit),  publico  suo  munere  abstinebat,  domi  interea  vel  consulentibus  respondebat,  vel  amanuenses  dictando  indefessus  ipse  fatigabat.  Atque  eius  rei  fidem  faciunt  tum  binae  illae  maxime  seriae  ad  Polonos  admonitiones  adversus  blasphemos  illos  sacrae  triadis  hostes:  tum  etiam  quod  fratribus  ex  synodo  Lugdunensi  ad  se  missis  abunde  tum  voce  tum  scriptis  respondit,  quod  commentarios  in  quatuor  Mosis  libros  latinos  edidit,  quod  gallicos  ex  latinis  ipsosmet  fecit,  quod  denique  commentarium  in  librum  Iosuae,  qui  fuit  ultimus  ipsius  labor,  iam  tum  inchoavit,  quem  tandem  moribundus  absolvit.  Annus  autem  LXIv  supra  sesquimillesimum  ipsi  quidem  perpetuae  felicitatis,  nobis  autem  longe  maximi  iustissimique  doloris  initium  fuit.  Siquidem  VI.  Febr.  asthmate  vocem  eius  praepediente  ultimam  habuit  concionem,  et  ab  eo  tempore,  eo  excepto  quod  aliquoties  ad  congregationis  coetum  deportatus  (quod  illi  ultimo  Martii  novissimum  accidit  paucula  verba  fecit,  omni  docendi  munere  abstinuit.  Ipsius  morbi  incredibilibus  animi  corporisque  laboribus  contracti  varii  multiplicesque  fuerunt,  uti  sua  quadam  ad  medicos  Monspessulanus  epistola  edita  eos  ipse  percenset.  Praeterquam  enim  quod  corpore  fuit  natura  imbecillo,  macilento  et  ad  tabem  ultro  inclinante,  dormiens  paene  vigilabat,  magnam  anni  partem  concionando  [fol.  III.  6]  docendo  dictando  consumebat.  Per  decem  minimum  annos  prandio  abstinuit,  ut  nullum  omnino  cibum  extra  statam  coenae  horam  sumeret,  ut  eum  mirum  sit  phthisim  effugere  tam  diu  potuisse.  Fuit  autem  ei  hemicranea  familiaris,  cui  sola  illa  inedia  medebatur,  adeo  ut  nonnunquam  totas  XXXVI  horas  cibo  abstineret.  Sed  et  partim  ex  vocis  contentione,  partim,  quod  sero  nimis  animadversum  est,  ex  immodico  aloes  usu,  primum  in  haemorrhoidas  easque  tandem  ulcerosas,  deinde  quinque  ante  mortem  annis  in  sanguinis  excreationem  aliquoties  incidit.  Quartana  vero  ipsum  deserente,  successerunt  in  dextro  crure  podagra,  colici  subinde  recurrentes  dolores,  calculus  denique,  quem  alioqui  nunquam  nisi  aliquot  ante  mortem  mensibus  senserat.  Medici  quaecunque  re-  1)  iique  multiplices  om.  rece,