8:16  scripturam  reiiciant:  quia  speciem  habeat  absurditatis,  eorum  opinione,  quoties  occurrit  quod  non  placet.  Itaque  tunc  sibi  demum  videntur  ingeniosi,  quum  simplicitatem  nostram  rident:  quod  certa  fide  amplectamur  quae  demonstratione  non  tantum  carent,  sed  humano  iudicio  sunt  incredibilia.  Quis  idiota,  inquiunt,  persuaderi  sibi  sinat,  cuius  nullam  rationem  videt?  Si  rationibus  contendam,  quales  humani  ingenii  acumen  capit,  nimis  ineptus  ero.  Quod  enim  Christum  credimus  Deum1)  in  carne  manifestatum,  id  mysterium  esse  Paulus  fatetur,  procul  remotum  ab  omni  hominum  perspicientia.  Quid  igitur?  si  quam  absurditatem  obtendant,  diluere  quidem  promptum  erit:  atque  ita,  ut  obmutescere  cogantur,  nisi  impudenter  latrare  velint.  Facere  tamen  non  potero,  quin  nos  idiotis  quibuslibet  iudicent  stupidiores,  quia  in  tantarum  rerum  persuasione  ex  nudis  scripturis  pendeamus.  Quare  ad  eos  me  convertam,  qui  eiusmodi  scandalis  tentantur  quidem,  sunt  tamen  adhuc  sanabiles.2)  Talibus  non  aliud  dabo  remedium,  quam  quod  Paulus  praescribit:  nempe,  ut  mundo  stultescere  discant,  quo  coelestis  sapientiae  sint  capaces  (1  Cor.  3,  18).  Stultitiam  non  vocamus  stuporem:  nec  iubemus  ut  qui  liberalibus  disciplinis  sunt  eruditi,  earum  cognitionem  abiiciant:  qui  ingenii  praediti  sunt  dexteritate,  obbrutescant:  quasi  Christianus  esse  nequeat,  nisi  qui  pecudi  magis  similis  sit,  quam  homini.  Pueros,  non  sensu  sed  malitia,  requirit  christiana  professio  (1  Cor.  14,  20):  sed  ne  quis  aut  proprii  ingenii,8)  aut  doctrinae  fiduciam  in  scholam4)  Christi  afferat:  ne  fastu  quis  turgidus,  aut  occupatus  fastidio,  mox  repellat  quod  proponitur,  [pag.  15J  antequam  vere  gustaverit:  si  dociles  modo  nos  praebuerimus,  nullum  sentiemus  hic  obicem.  Sed  qui  sibi  sapiunt,  solis  inquam,  iis  scandalum  est  sua  arrogantia.  Quid  enim?  An  quia  se  usque  adeo  filius  Dei  exinanivit,  ut  frater  tuus  fieret,  suamque  aeternam  divinitatem  copularet  mortali  carni  tuae,  id  tibi  obstaculo  erit,  quominus  ad  eum  accedas?  An  quia  ex  immensa  sua  altitudine  ad  te  Deus  descendit,  ideone  eris  ab  ipso  remotior?  Quid,  si  te  sursum  ad  inaccessa  coeli  adyta  vocaret?  Quomodo  ad  eum  tam  procul  contenderes,  qui  propinquitate  offenderis?  Sed  dicis  tibi  instar  portenti  esse,  quum  audis  Deum  mortalem.  Quid  autem  hoc  est  aliud,  quam  Deum  immortalem  in  mortali  carne  nostra  habitasse?  Nam  et  res  ipsa  clamat,5}  non  frustra  hoc  a  Ioanne  (1,  14)  praedicari:  conspectam  in  eo  fuisse  gloriam,  et  dignam  filio  Dei,  et  1)  nostre  chef.  2)  qui  .  .  .  .  cerchent  d'estre  reduits.  3)  engin.  4)  en  l'eglise.  5)  ses  oeuvres  ont  monstre  clairement.