6:16  Cur  patrem  nominas?  PUER.  Christi  primum  quidem  intuitu:  qui  et  sapientia  eius  est,  ab  ipso  genita  ante  omne  tempus,  et  missus  in  hunc  mundum,  declaratus  fuit  eius  filius.  Hinc  tamen  colligimus,  quum  Deus  Iesu  Christi  sit  pater,  nobis  quoque  esse  patrem.  MINISTER.  Quo  sensu  nomen  illi  omnipotentis  tribuis?  PUER.  Non  hoc  modo  potentiam  ipsum  habere,  quam  non  exerceat:  sed  omnia  ipsum  habere  sub  potestate  et  manu:  providentia  sua  gubernare  mundum,  arbitrio  suo  omnia  constituere  :  omnibus  creaturis,s)  prout  visum  est,  imperare.  MINISTER.  [fol.  10]  Itaque  non  otiosam  Dei  potentiam  fingis:  sed  talem  esse  reputas,  quae  manum  operi  semper  admotam  habeat:  sic  ut  nihil,  nisi  per  ipsum,  eiusque  decreto,  fiat.  PUER.  Sic  est.  MINISTER.  Quorsum  addis  creatorem  coeli  et  terrae?  PUER.  Quoniam  per  opera  se  nobis  patefecit:  in  illis  quoque  nobis  quaerendus  est.  Neque  enim  essentiae  eius  capax  est  mens  nostra.  Est  igitur  mundus  ipse  veluti  speculum  quoddam,  in  quo  eum  possimus  inspicere:  quatenus  eum  cognoscere  nostra  refert.  MINISTER.  Per  coelum  et  terram  an  non  quidquid  praeterea  creaturarum  exstat,  intelligis?  PUER.  Imo  vero:  sed  his  duobus  nominibus  continentur  omnes,  quod  aut  coelestes  sint  omnes4)  aut  terrenae.  MINISTER.  Cur  autem  Deum  creatorem  duntaxat  nuncupas:  quum  tueri  conservareque  in  suo  statu  creaturas  multo  sit  praestantius,  quam  semel  condidisse?  PUER.  Neque  vero  hac  particula  indicatur  tantum,  sic  opera  sua  Deum  semel  creasse,  ut  illorum  postea  1)  1545:  plus;  1548  suiv.:  pas.  2)  Le  4.  dimanche.  .  Miroir  pour  contempler  Dieu.  .  De  la  providence  de  Dieu.  .  Des  diables.  .  Le  diable  ne  peut  rien  sans  Dieu.  3)  quidquid  contingit  .  .  .  .  moderari.  1563.  4)  omnes,  deest  apud  Bezam  1576  seqq.