56:16  avec  toute  creature  vivante,  qui  est  avec  vous,  tant  des  volailles  que  des  bestes,  et  de  tous  animaux  de  la  terre  qui  sont  avec  vous:  de  toutes  celles  qui  sont  sorties  de  l'arche,  iusqu'a  toutes  bestes  de  la  terre.  ll.  I'establi1)  donc  mon  pact  avec  vous:  afin  que  toute  chair  ne  soit  plus  exterminee  par  les  eaux  du  deluge,  et  qu'il  n'y  ait  d'oresenavant  nul  deluge  pour  degaster  la  terre.  12.  Puis  Dieu  dit,  C'est-ci  le  signe  de  l'accord  que  ie  donne  entre  moy  et  vous,  et  entre  toute  creature  vivante  qui  est  avec  vous,  4  tousiours-mais.  13.  Ie  mettray2)  mon  arc  en  la  nuee,  lequel  sera  pour  signe  de  l'alliance  entre  moy  et  la  terre.  14.  Et  quand  il  aviendra  que  i'auray  couvert  de  nuees  le  dessus  de  la  terre,  Tare  apparoistra  es  nuees.  15.  Si  seray  recors  de  mon  pact,  qui  est  entre  moy  et  vous,  et  entre  toute  ame  qui  vit  en  toute  chair.  Et  n'adviendra  plus  que  les  eaux  soyent  en  deluge,  pour  exterminer  toute  chair.  16.  L'arc  donc  sera  es  nuees,  et  le  regarderoy  pour  avoir  memoire  de  l'alliance  perpetuelle  entre  Dieu  et  toute  ame  vivante,  en  quelque  chair  qui  soit  sur  la  terre.  17.  Ainsi  Dieu  dit  a  Noe,  C'est  le  signe  de  l'alliance  que  i'ay  establie  entre  moy  et  toute  chair  qui  est  sur  la  terre.  18.  Or  les  fils  de  Noe,  qui  sortirent  de  l'arche,  furent  Sem,  Cham,  et  Iaphet:  et  Cham  fut  le  pere  de  Chanaan.  19.  Ces  trois  sont  les  fils  de  Noe,  desquels  la  terre  universelle  fut  peuplee.  20.  Et  Noe  commenca  a.  cultiver  la  terre,  et  planta  la  vigne:  21.  Puis  but  du  vin,  si  s'enyvra,  et  se  descouvrit  au  millieu  de  son  tabernacle.  22.  Et  Cham  le  pere  de  Chanaan  voyant  les  parties  honteuses  de  son  pere,  il  l'annonca  dehors  a  ses  deux  freres.  23.  Adonc  Sem  et  Iaphet  preinrent  un  vestement,  et  le  mirent  sur  leurs  deux  espaules,  et  en  cheminant  en  arriere,  couvrirent  la  vergogne  de  leur  pere:  et  leurs  faces  estoyent  destournees,  si  qu'ils  ne  virent  point  les  parties  honteuses  de  leur  dit  pere.  24.  Puis  Noe  s'esveilla  de  son  vin:  et  quand  il  sceut  ce  que  son  fils  moindre  luy  avoit  fait,  25.  Lors  il  dit,  Maudit  soit  Chanaan:  il  sera  serviteur  des  serviteurs  de  ses  freres.  26.  En  apres  il  dit,  L'Eternel,  le  Dieu  de  Sem  soit  benit:  et  luy  soit  fait  Chanaan  serviteur.  27.  Dieu  persuade  en  douceur  Iaphet,  et  habite  es  tabernacles  de  Sem  :  et  leur  soit  fait  Chanaan  serviteur.  28.  Et  Noe  vesquit  apres  le  deluge  trois  cens  cinquante  ans.  29.  Tout  le  temps  donc  de  Noe  fut  neuf  cens  cinquante  ans:  puis  mourut.  Chapitre  X.  1.  S'ensuyvent  les  genealogies  des  enfans  de  Noe,  Sem,  Cham  et  Iaphet:  ausquels  nasquirent  1)  Ie  constitue  O.  46.  54.  .  .  mon  alliance  59.  2)  I'ay  mis  46.  54.