54:16  deu,  mais  pource  qu'il  desploye  les  richesses  de  la  misericorde  de  Dieu  son  Pere  envers  nous.  Ainsi  doncques  nous  voyons  qu'il  n'y  a  rien  de  superflu  en  ceste  salutation  de  sainct  Paul.  Et  combien  qu'il  ait  parle  a  Timothee,  si  est-ce  qu'il  a  donne  a  tous  une  regle  commune.  Youlons-nous  donc  mesmes  selon  ceste  vie  presente  estre  a  repos.  Il  faut  que  devant  toutes  choses  nous  cherchions  d'estre  aimez  de  Dieu  :  et  puis  que  nous  scachions  le  moyen,  car  nous  n'en  sommes  pas  dignes.  Il  faut  donc  venir  a  nostre  Seigneur  Iesus  Cnrist.  Or  si  ainsi  est  que  pour  cest  estat  caduque  de  ce  monde,  et  ce  qui  concerne  nostre  nourriture  corporelle,  il  faut  que  nous  commencions  par  ce  bout,  d'avoir  Dieu  propice,  que  sera-ce  s'il  est  question  du  salut  eternel  de  nos  ames?  Si  nous  voulons  manger  un  morceau  de  pain,  boire,  et  estre  revestus  pour  nostre  necessite,  il  faut  que  tousiours  nous  soyons  fondez  la  dessus,  que  Dieu  nous  regarde  en  pitie,  et  que  nous  commencions  par  sa  bonte  gratuite.  Si  nous  ne  pouvons  ne  boire  ne  manger,  ni  recevoir  toutes  les  autres  choses  qui  concernent  la  vie  presente,  que  ce  ne  soit  a  nostre  confusion,  sinon  d'autant  que  Dieu  nous  benit  par  sa  grace,  d'autant  plus  devonsnous,  quand  il  est  question  de  la  vie  celeste,  nous  remettre  du  tout  a  la  grace  de  Dieu,  nous  asseurer  pleinement  en  ceste  adoption  qu'il  a  faite  par  nostre  Seigneur  Iesus  Christ,  et  n'estre  point  si  outrecuidez  de  penser  que  nous  ayons  de  quoy  pour  nous  faire  parvenir  a  ce  salut  qui  nous  est  promis  en  l'Evangile.  Oublions  doncques  tout  ce  qui  est  de  nostre  coste,  et  commencons  par  l'adoption  de  Dieu.  Et  au  reste,  quand  Dieu  nous  aura  une  fois  receus  a  merci,  invoquons-le  hardiment,  ne  soyons  point  comme  ces  povres  incredules  qui  sont  tousiours  en  suspens,  ne  scachans  s'ils  sont  exaucez  ou  non,  mais  que  cela  nous  soit  tout  persuade  et  conclud,  que  puis  que  Dieu  nous  aime,  tout  ira  bien  pour  nous,  voire  quand  nous  aurons  ceste  amour-la,  que  rien  ne  nous  peut  faillir,  d'autant  que  Dieu  ha  tout  en  sa  main,  il  est  la  fontaine  de  tout  bien,  et  de  toute  felicite.  Nous  voyons  donc  comme  en  la  simple  amour  de  Dieu,  il  faut  que  tout  nostre  salut,  et  la  louange  d'iceluy  soyent  tellement  enclos,  qu'un  chacun  se  glorifie  hardiment,  et  qu'il  ne  doute  point  d'estre  sauve.  Et  pourquoy?  D'autant  qu'il  a  pleu  a  Dieu  de  nous  aimer,  combien  que  nous  en  fussions  indignes.  Voila  comme  nous  avons  a  lever  la  teste  sans  aucune  doute,  quand  Dieu  nous  a  testifie  qu'il  nous  vouloit  estre  Pere  en  nostre  Seigneur  Iesus  Christ,  qu'il  nous  faut  marcher  hardiment,  surmontans  tous  empeschemens  qui  nous  pourroyent  retarder  de  venir  a  nostre  Dieu,  iusques  a  ce  quo  nous  soyons  entrez  en  ce  triomphe  qui  nous  est  appreste  au  ciel.  Et  combien  qu'il  nous  faille  main-