53:16  quoy  sainct  Paul  appelle  Timothee  son  vray  fils  en  la  foy.  Il  adiouste  cela  pour  le  discerner  d'avec  les  enfans  qui  estoyent  bastards.  Car  le  mot  dont  use  ici  sainct  Paul  ne  se  peut  assez  exprimer,  il  emporte  comme  fils  naturel,  un  droit  fils.  Et  sainct  Paul  avoit-il  des  enfans  qui  ne  fussent  pas  vrais  et  legitimes  en  la  foy?  Ouy  bien:  non  pas  que  la  faute  veinst  de  son  coste,  mais  pource  que  beaucoup  avoyent  fait  semblant  de  recevoir  l'Evangile  par  sa  bouche,  et  puis  apres  qu'on  ne  voyoit  que  malice  en  eux  et  hypocrisie,  il  les  desavoue  pour  ses  enfans,  et  dit  qu'ils  ne  sont  point  vrais  et  legitimes.  Apprenons  donc  que  ce  n'est  point  assez  que  nous  ayons  este  enseignez  en  l'Evangile,  et  que  noup  ayons  fait  profession  d'y  adherer,  et  que  nous  ayons  ouy  par  la  bouche  des  hommes  ce  que  Dieu  nous  aura  commande,  mais  il  faut  que  nous  demourions  vrais  enfans,  que  nous  avisions  bien  de  tousiours  suivre  le  droit  chemin  sans  en  decliner  en  facon  que  ce  ^oit.  Car  si  tost  qu'on  commence  a  se  desbancher,  et  qu'on  laisse  la'  droite  ligne,  que  reste-il  sinon  qu'on  deviene  tout  bastard,  au  lieu  qu'on  estoit  du  nombre  des  enfans  de  Dieu,  et  qu'il  avoit  exalte  l'homme  en  cest  honneur  inestimable?  Advisons  qu'en  la  personne  de  Timothee  ^sainct  Paul  nous  a  voulu  instruire,  que  si  nous  avons  receu  l'Evangile,  il  nous  y  faut  'tellement  persister  que  la  bonne  semence  qui  aura  este  plantee  en  nous,  ne  soit  abbastardie  ne  corrompue,  mais  qu'elle  persiste  iusqu'a  ce  qufelle  produise  son  fruict.  Et  quand  sera-ce?  Apres  que  Dieu  nous  aura  retirez  de  ce  monde,  et  qu'il  nous  fera  sentir  le  fruict  et  la  iouisgance  de  nostre  redemption  en  son  royaume  celeste.  Or  nousnous  prosternerons  devant  la  face  de  nostre  bon  Dieu,  etc.  DEUXIEME  SERMONChap.  I,  v.  3,  4.  Selon  que  Dieu  nous  fait  ceste  grace  et  honneur  de  nous  employer  a  son  service,  et  que  la  chose  aussi  le  requiert,  chacun  se  doit  tant  plus  efforcer  au  labeur  auquel  autrement  nous  sommes  par  trop  lasches.  Et  c'est  ce  qui  doit  inciter  ceux  qui  sont  appelez  a  un  estat  grand  et  difficile,  d'y  appliquer  tous  leurs  sens  et  estudes.  Et  d'autant  que  nous  devons  cognoistre  nostre  infirmite,  il  faut  aussi  que  nous  advisions  a  invoquer  Dieu,  afin  qu'il  nous  conduise,  et  qu'il  supplee  a  ce  qui  nous  defaut:  tant  y  a  que  nous  n'aurons  nulle  excuse  si  chacun  de  nous  ne  regarde  a  quoy  Dieu  l'appelle  et  en  quoy  aussi  il  peut  servir  a  ses  prochains.  Voila  pourquoy  sainct  Paul  dit  maintenant  a  Timothee  qu'il  doit  penser  pourquoy  il  est  en  la  ville  d'Ephese.  Car  il  faloit  bien  que  sainct  Paul  eust  este  contraint  a  le  laisser  la,  pource  qu'il  ne  se  pouvoit  pas  de  son  bon  gre  passer  d'une  si  bonne  aide,  et  si  bonne  compagnie  de  Timothee,  comme  il  luy  estoit  necessaire,  et  neantmoins  il  le  laisse  en  une  ville.  Pourquoy?  sinon  a  cause  qu'il  y  voyoit  des  choses  d'importance,  et  qui  requeroyent