51:16  viennent  pour  rompre  l'union  de  la  foy  et  la  concorde  et  fraternite  qui  doit  estre  entre  tous  enfans  de  Dieu,  qui  sement  erreurs  et  heresies  pour  falsifier  la  pure  verite.  Et  au  reste,  Dieu  declare  combien  il  nous  a  chers  (comme  ce  matin  ii  en  a  este  traitte)  et  qu'en  cela  il  nous  rend  tesmoignage  du  soin  paternel  qu'il  a  de  nostre  salut,  quand  il  fait  une  telle  vengeance  sur  tous  ceux  qui  le  veulent  ruiner.  Or  finalement  il  dit,  Freres,  vous  estes  appelez  a  liberte,  seulement  ne  la  donnez  point  a  la  chair  pour  occasion:  mais  serves  les  uns  aux  autres  en  charite,  d'autant  que  c'est  le  vray  accomplissement  de  la  Loy,  et  c'est  la  aussi  qu'il  nous  faut  reigler  toutes  nos  oeuvres.  Ici  en  premier  lieu  sainct  Paul  monstre  qu'il  ne  combat  point  pour  faire  que  les  hommes  vivent  a  leur  aise,  et  que  chacun  s'esgaye  comme  bon  luy  semblera:  mais  que  nous  soyons  libres  devant  Dieu.  Or  ceci  est  bien  notable:  car  si  tost  que  ce  mot  de  Liberte  est  mis  en  avant,  comme  nous  sommes  enclins  a  nos  appetis  charnels,  chacun  pense,  Et  bien,  ie  puis  donc  faire  tout  ce  que  bon  me  semblera:  il  n'y  a  plus  d'astriction,  il  ne  faut  plus  que  ie  me  sente  tant  oblige,  ne  que  ie  face  tant  de  scrupules.  Voila  donc  comme  sous  ombre  de  liberte  chacun  s'assuiettira  a  ses  passions  charnelles  :  car  le  diable  a  ceste  astuce  de  nous  seduire  et  abuser  en  ce  qui  semble  estre  bon,  voire  et  le  convertir  tout  au  rebours.  Car  (comme  nous  avons  declare  cidessus)  tous  ceux  qui  veulent  vivre  a  leur  appetit,  il  est  certain  que  ce  sont  poures  esclaves  qui  sont  detenus  en  servitude  plus  estroite  que  ceux  qui  sont  mis  aux  ceps  et  aux  in  ane  t  tes.  Ec  pourquoy?  Regardons  un  peu  quelle  tyrannie  il  y  a  en  nos  appetis  et  en  nos  passions.  Si  un  homme  suit  ses  appetis,  il  est  certain  qu'il  faut  qu'il  perde  toute  honte,  qu'il  s'oublie,  et  qu'il  devienne  pleinement  brutal.  Voila  donc  la  belle  liberte  que  les  hommes  cerchent  tous  quasi  de  nature.  Or  nous  avons  declare  que  la  liberte  a  laquelle  sainct  Paul  nous  exhorte,  est  bien  une  autre  chose:  ce  n'est  pas  qu'on  s'esgaye,  et  qu'il  n'y  ait  plus  nulle  bride  pour  nous  retenir:  mais  a  fin  que  nous  scachions  ce  que  Dieu  requiert  de  nous,  et  que  nous  soyons  gouvernez  par  sa  parole,  et  que  chacun  n'usurpe  point  domination,  pour  dire,  il  faut  faire  ceci  ou  cela:  car  depuis  que  les  hommes  entreprennent  de  nous  vouloir  gouverner  par  leurs  loix  et  par  leurs  status,  il  est  certain  que  voila  des  liens  infinis  qui  sont  pour  estrangler  les  poures  ames  par  maniere  de  dire.  Sainct  Paul  donc  monstre  que  ceste  liberte  qu'il  a  preschee,  et  pour  laquelle  maintenir  il  resiste  si  constamment  a  ces  seducteurs,  que  ce  n'est  point  que  les  hommes  se  desbordent,  et  qu'ils  se  donnent  une  licence  telle  que  bon  leur  semblera:  mais  cest  a  fin  qu'ils  puissent  franchement  servir  a  Dieu,  et