5:16  in  quam  sententiam  accipiendus  est  hic  locus.  Aristotelici  ultra  progrediuntur.  Non  enim  finem  in  virtute,  sed  in  virtutis  usu  constituunt.  Vide  Aristotelem  lib.  L  Ethicorum.  Sensus  est:  Quamvis  in  Stoicorum  decreto  nihil  considerandum  sit  in  virtute  praeter  ipsam  virtutem,  neque  aliunde  pendeat  virtutis  aestimatio,  sed  in  se  ipsa  sita  sit,  iuvat  tamen  inspicere  bonam  conscientiam  ete.  Hanc  sententiam  eleganter  Cicero  complexus  est  in  Somnio  Scipionis:  Nec  in  praemiis  humanis  spem  posueris  rerum  tuarum:  suis  te  illecebris  virtus  trahat  oportet  ad  verum  decus.  Et  in  Miloniana  addit  haec,  quae  certe  vera  sunt,  fortes  et  sapientes  viros  non  tam  praemia  recte  factorum,  quam  ipsa  recte  facta  sequi  solere.  Nec  ullum  virtutum  pretium"]  Quasi  diceret,  non  quod  ultra  virtutem  alius  sit  scopus,  quemadmodum  Periander  censuit  virtutem  ad  honoris  finem  tendere,  et  Aristotelici  ad  virtutis  usum:  sed  est  summum  bonum,  et  appetendum  propter  se.  Hanc  sententiam  paene  iisdem  verbis  expressit  Claudianus:  Ipsa  quidem  virtus  pretium  sibi,  solaque  late  Fortunae  secura  nitet,  nec  fascibus  ullis  Erigitur.  Et  Seneca  lib.  IV.  de  Beneficiis  :  Rerum  honestarum  pretium  in  ipsis  est.  Iuvat  tamen  inspicere]  Bene  Plinius  lib.  I.  epist,  ad  Saturninum:  Meminimus  quanto  maiore  animo  honestatis  fructus  in  conscientia  quam  in  fama  reponatur.  Et  Macrobius  lib.  IL  in  Somnium  Scipionis:  Virtutis  fructum  sapiens  in  conscientia  ponit,  minus  perfectus  in  gloria.  Multitudinem  seditiosam,  discordem  ete]  Sunt  haec  epitheta  perpetua  multitudinis,  seditiosa,  discors,  impotens;  nec  sine  ratione  imposita.  Seditiosam]  Vergilius  Aeneidos  L:  Ac  veluti  magno  iu  populo  quum  saepe  coorta  est  Seditio,  saevitque  animis  ignobile  vulgus,  Iamque  faceb  et  saxa  volant,  furor  arma  ministrat.  Etsi  ubique  vulgus  semper  ad  res  novas  levissimum,  tamen  romana  plebs  in  primis,  quae  ex  magna  variaque  peregrinorum  multitudine  constat,  longe  caeteris  mobilior  est.  Proponamus  nobis  historias,  quantos  [pag.  5]  tumultus  excitarunt  apud  Romanos  plebis  seditiones:  quoties  reipublicae  summam  in  discrimen  adduxerunt:  ut  iam  illud  in  proverbium  venerit,  Turba  turbulenta.  Discordem]  Hoc  pertinet  ad  sententiarum  varietatem.  Tot  sensus,  quot  capita;  praesertim  ubi  non  certam  rationem  habent  prae  oculis,  sed  inconsulta  temeritate  arripiunt  quidquid  animo  male  sobrio  se  obtulerit.  Non  enim  est  consilium  in  vulgo,  inquit  Cicero  pro  Plancio,  non  ratio,  non  discrimen.  Unde  belun  multorum  capitum  Platoni  et  Horatio.  Id  etiam  ostendit  verbi  etymon:  quamvis