49:16  illud  specimen,  esse  hominem  Dei  gloriae  deditum,  qui  abnegato  se  ipso  quaslibet  difficultates  ignominiae,  egestatis,  mortis,  odiorum  obire  non  dubitaret  pro  exaltando  Dei  regno.  Quidam  accipiunt  hanc  particulam,  quasi  voluerit  Paulus  cultum  ilium,  quo  se  prosequi  Deum  dixerat,  ex  eo  commendare,  quod  evangelii  praescripto  respondeat.  Certum  est  autem  spiritualem  Dei  cultum  in  evangelio  nobis  praecipi.  Sed  prior  interpretatio  longe  melius  quadrat,  nempe  quod  suum  Deo  obsequium  addicat  in  evangelii  praedicatione.  Distinguit  se  tamen  interim  ab  hypocritis,  quibus  aliud  est  propositum  quam  Deo  servire:  ut  plerosque  ambitio  aut  aliquid  tale  impellit,  multumque  abest  ut  omnes  ex  animo  et  fideliter  in  eo  munere  se  gerant.  Summa  est,  quod  sincere  Paulus  in  docendi  officio  versatur:  quia  circumstantia,  quod  de  sua  pietate  dixit,  ad  praesentem  causam  accommodat.  Sed  hinc  colligimus  utilem  doctrinam,  quae  evangelii  ministris  non  parum  animi  addere  debet,  quum  audiunt  se  cultum  Deo  gratum  et  pretiosum  impendere  evangelium  praedicando.  Quid  enim  est  quod  eos  impediat,  ubi  Deo  sciunt  laborem  suum  placere  et  probari,  ut  eximius  etiam  cultus  censeatur?  Porro  evangelium  filii  Dei  vocat,  quo  Christus  illustratur,  signatus  in  hoc  a  patre,  ut,  dum  ipse  glorificatur,  patrem  vicissim  glorificet.  Ut  continenter.  Maiorem  exprimit  adhuc  amoris  vehementiam  ex  ipsa  orandi  assiduitate.  Magnum  enim  erat,  nullas  preces  ad  Dominum  fundere  ubi  non  faceret  eorum  mentionem.  Quo  autem  clariorem  habeamus  sensum,  ego  vocem  TiavToxs  vice  nominis  accipio,  ac  si  dictum  foret:  In  omnibus  meis  orationibus,  seu  quoties  precibus  Deum  appello,  adiungo  vestri  mentionem.  Loquitur  autem  non  de  qualibet  Dei  invocatione,  sed  de  precationibus  illis,  quibus  dum  sancti  vacare  volunt,  sepositis  curis  omnibus  in  eas  totum  studium  intendunt.  Saepe  enim  potuit  in  hoc  aut  illud  votum  subito  erumpere,  ut  tamen  Romani  in  memoriam  illi  non  venirent:  sed  quoties  ex  professo  et  quasi  meditatus  Deum  orabat,  illorum  quoque  habebat  rationem  inter  alios.  De  precationibus  ergo  peculiariter  loquitur,  ad  quas  sancti  destinato  se  componunt:  quemadmodum  videmus  Dominum  ipsum  talibus  secessum  quaesiisse.  Simul  tamen  innuit  quam  frequens,  vel  potius  continuus  in  illis  fuerit,  dum  ait  indesinenter  se  incubuisse.  10.  Postulans  si  quo  modo.  Quia  verisimile  non  est,  eius  bonis  ex  animo  nos  studere,  quem  non  simus  parati  nostra  quoque  opera  adiuvare:  postquam  suam  in  commendanda  eorum  salute  sollicitudinem  praedicavit,  nunc  addit  se  alio  quoque  argumento  suum  amorem  coram  Deo  testari,  postulando  scilicet  ut  usui  esse  possit.  Quare  ut  habeas  plenum  sensum,  lege  haec  verba  perinde  ac  si  interposita  esset  dictio  etiam:  postulans  etiam  si