46:16  eust  tesmoignage  de  Iean  Baptiste.  Et  afin  que  Iean  Baptiste  ne  fust  pas  un  homme  incognu,  et  qu'on  ne  le  peust  pas  reietter  comme  un  homme  de  neant,  nous  voyons  comme  Dieu  luy  a  imprime  une  marque  excellente,  comme  si  c'estoit  un  Ange  descendu  du  ciel.  Si  cela  ne  nous  sert  de  rien,  mais  que  nous  demeurions  en  branle,  et  que  nous  ne  soyons  pas  fermement  establis  en  la  verite  de  l'Evangile,  pour  batailler  contre  Satan,  et  contre  tout  le  monde,  il  est  certain  que  nostre  ingratitude  sera  inexcusable,  veu  que  nostre  Seigneur  nous  a  donne  tous  les  moyens  qui  nous  estoyent  propres  et  utiles  pour  nous  confermer  en  ce  qui  estoit  requis  pour  nostre  salut.  Voyla  donc  ce  que  nous  avons  a  retenir  en  premier  lieu.  Or  il  nous  faut  despescher  ce  qui  est  yci  dit,  par  le  menu,  touchant  Zacharie.  Il  est  dit  qu'il  estoit  de  la  lignee  d'Aaron,  estant  descendu  WAbia,  et  estant  aussi  en  ce  rang-la:  comme  David  avoit  ordonne  que  les  Sacrificateurs  eussent  chacun  leur  tour,  non  sans  cause.  Car  quand  plusieurs  sont  ordonnez  en  un  estat,  chacun  se  repose  sur  son  compagnon,  et  ainsi  nul  ne  s'aquitte  de  son  devoir,  cela  est  par  trop  commun  entre  les  hommes.  Pour  remedier  donc  a  un  tel  vice,  David  avoit  distribue  et  ordonne  entre  les  Sacrificateurs,  qu'ils  eussent  chacun  leur  rang,  et  leur  tour,  et  que  l'un  ne  s'attendist  a  l'autre,  et  que  le  service  de  Dieu  cependant  ne  fust  point  mesprise.  Or  il  est  dit,  que  le  sort  estoit  tombe  sur  Zacharie,  qu'il  devoit  faire  le  perfum  au  Temple,  qui  est  comme  le  milieu,  car  il  y  avoit  le  grand  Sanctuaire,  et  puis  il  y  avoit  le  Temple,  ou  on  faisoit  le  sacrifice,  et  le  perfum:  il  y  avoit  puis  apres  le  parvis,  la  ou  tout  le  peuple  s'assembloit  :  et  ce  perfum  se  faisoit  deux  fois  par  chacun  iour,  au  soir  et  au  matin.  Voyla  donc  quant  a  ce  poinct.  Or  venons  a  ce  qui  est  dit,  que  Zacharie  et  Elizabeth  estoyent  iustes  devant  le  Seigneur,  cheminans  en  ses  commandemens,  et  ordonnances.  Car  ce  mot  de  Iustificatione,  qui  est  ainsi  transtate  des  Grecs,  se  prend  pour  ordonnances,  et  statuts,  et  se  prend  aussi  pour  les  ceremonies,  et  pour  tout  ce  qui  concernoit  la  religion,  et  le  service  de  Dieu  :  et  notamment  aussi  sainct  Luc  recite  qu'Elizabeth  estoit  des  filles  d'Aaron,  pour  exprimer,  que  mesme  entre  les  Sacrificateurs  Zacharie  avoit  quelque  dignite,  et  qu'il  s'estoit  maintenu  en  son  ordre.  Car  toute  la  lignee  de  Levi  estoit  bien  ordonnee  pour  le  Temple,  mais  il  y  avoit  la  grande  Sacrificature  aux  enfans  d'Aaron,  et  d'Eieazar.  Ainsi  donc  voyla  Zacharie,  qui  est  de  l'ordre  principal:  et  puis  il  ha  sa  femme  qui  est  aussi  de  la  mesme  lignee.  Or  Dieu  a  voulu  que  ce  fussent  gens  estimez  et  prisez  entre  le  peuple.  Car  la  naissance  de  Iean  Baptiste  autrement  n'eust  este  si  bien  cognue,  comme  nous