45:16  ministerio,  discamus  acceptam  ferre  gratiae  spiritus,  sine  qua  vox  hominis  irrita  in  aere  difflueret.  Sic  Paulus  (2.  Cor*  3,  6),  dum  se  ministrum  spiritus  esse  gloriatur,  nihil  sibi  seorsum  usurpat,  quasi  sua  voce  penetret  in  hominum  corda,  sed  vim  et  gratiam  spiritus  in  suo  ministerio  praedicat*  Loquutiones  istae  notatu  dignae  sunt,  quia  miro  artificio  incumbit  Satan  ad  extenuandum  doctrinae  effectum,  ut  gratiam  spiritus  illi  annexam  enervet.  Nihil  per  se,  fateor,  et  separatim  potest  externa  praedicatio,  sed  quia  organum  est  divinae  virtutis  in  salutem  nostram,  et  organum  per  gratiam  spiritus  efficax,  quae  Deus  coniungit,  ne  separemus.  Caeterum  ut  gloria  conversionis  et  fidei  penes  unum  Deum  solida  maneat,  saepe  admonet  scriptura,  ministros  nihil  esse  per  se,  sed  tunc  comparat  eos  cum  Deo,  ne  quis  ereptum  Deo  honorem  perperam  ad  illos  transferat.  In  summa,  quos  Deus  ad  se  ministri  opera  convertit,  eos  convertere  dicitur  minister,  quia  nihil  est  quam  Dei  manus,  ac  utrumque  diserte  expressum  est  in  praesenti  loco.  De  efficacia  doctrinae  iam  satis  dictum  est.  Quam  autem  non  sit  in  ministri  arbitrio  et  manu  convertere  ad  Deum  homines,  inde  colligimus,  quia  non  omnes  promiscue  Ioannes  convertit  (quod  procul  dubio  facturus  erat,  si  illi  pro  voto  cessissent  omnia),  sed  eos  tantum  convertit,  quos  Damino  placuit  efficaciter  vocare.  In  summa,  idem  ab  angelo  hic  docetur,  quod  tradit  Paulus  ad  Romanos  10,  17,  fidem  esse  ex  auditu,  sed  in  fidem  non  illuminari,  nisi  quibus  brachium  suum  Dominus  intus  revelat.  17.  Praecedet  ante  Ulum.  His  verbis  definit,  quale  futurum  esset  Ioannis  munus,  et  hac  nota  eum  discernit  a  reliquis  prophetis,  quibus  mandata  fuit  certa  et  propria  legatio,  quum  in  hoc  tantum  missus  sit  Ioannes,  ut  Christum  praecederet  tanquam  regem  apparitor.  Sic  etiam  loquitur  Dominus  apud  Malachiam  (3,  1),  Ecce  mitto  angelum  meum,  qui  viam  sternat  coram  me.  In  summa,  non  alio  spectavit  Ioannis  vocatio,  nisi  ut  Christo  audientiam  faceret,  atque  illi  pararet  discipulos.  Quod  autem  hic  non  fit  expressa  Christi  mentio,  sed  Ioannem  facit  angelus  anteambulonem  vel  signiferum  aeterni  Dei,  hinc  colligitur  aeterna  Christi  divinitas.  Cum  spiritu  et  virtute  Eliae.  Spiritum  et  virtutem  accipio  pro  virtute  vel  excellentia  spiritus,  qua  praeditus  fuit  Elias:  neque  enim  hic  nobis  fingendum  est  Pythagorae  delirium,  quod  prophetae  anima  in  corpus  Ioannis  transierit,  sed  ille  Dei  spiritus,  qui  potenter  in  Elia  operatus  fuerat,  similem  vim  et  efficaciam  postea  in  baptista  exseruit.  Sed  posterius  nomen  exegetice  additum  est  ad  exprimendam  gratiae  speciem,  qua  maxime  excelluit  Elias,  quod  scilicet  coelesti  potentia  instructus  collapsum  Dei  cultum  mirifice  restituerit:  talis  enim