42:16  le  mariage  prophane,  on  voit  les  empoisonnemens,  les  meurtres,  qui  se  commettent  du  fils  mesmes  a  la  belle  mere,  apres  a  leur  frere  propre,  voila  des  choses  si  enormes,  et  contre  toute  honnestete  de  nature,  qu'elles  nous  devroient  faire  dresser  les  cheveux  en  la  teste.  Or  par  cela  nous  sommes  admonnestes,  qu'en  toutes  nos  entreprinses  nous  invoquions  Dieu  premierement,  qu'il  nous  donne  conseil,  a  ce  que  nous  n'attendons  rien  sinon  selon  sa  bonne  volonte,  qu'il  nous  monstre  ce  qui  est  bon  et  utile,  et  quand  il  nous  aura  conseilles  de  ce  qui  est  de  faire,  qu'il  prenne  aussi  la  chose  en  main  et  qu'il  la  conduise,  et  qu'il  ne  permette  point  que  ce  que  nous  aurons  entrepris  soit  mis  bas,  comme  il  en  adviendra  tous  les  coups.  Ce  n'est  donc  point  asses,  que  nous  aions  prudemment  regarde  a  ce  qui  est  bon,  mais  il  faut  que  Dieu  nous  y  fortifie,  il  faut  que  quand  nous  aurons  mis  les  choses  en  train,  qu'elles  soient  benites  de  luy,  car  sans  cela,  il  nous  fera  tousiours  reculer,  au  lieu  d'advancer,  nous  verrons  (diie)  des  entreprinses  qui  seront  faites  le  plus  sainctement  du  monde,  ce  semblera  il  n'y  aura  que  redire,  mais  quoy?  Ce  n'est  pas  a  dire  pourtant  que  l'execution  vienne,  sinon  que  Dieu  y  besongne  par  sa  vertu,  et  quand  nous  voions  l'ordre  de  nature  ainsi  renverse  (comme  il  estoit)  que  nous  connoissons  quelles  sont  les  iniquites  des  hommes,  voila  les  fruicts  d'ambition,  d'avarice,  et  des  choses  qui  se  font  illicitement,  et  contre  Dieu,  ne  faut-il  point  qu'il  y  ait  une  merveilleuse  rage  quand  une  femme  empoisonne  son  mari,  que  les  enfans  tuent,  et  frere,  et  belle  mere  et  tout?  Or  il  est  certain  que  si  Dieu  laschoit  la  bride  aux  hommes,  que  nous  verrions  iournellement  de  telles  choses,  et  quand  telles  enormites  ne  se  commettent  point  (attendu  la  ma*  lice  que  nous  voions  aux  hommes)  sachons  que  c'est  Dieu  qui  retire  leurs  affections  et  cupidites  furieuses,  quand  il  ne  permet  point  qu'elles  viennent  en  effect,  que  c'est  d'autant  qu'il  tient  les  mains  liees  a  ceux  qui  ne  demanderoient  qu'a  se  desborder  ainsi:  voila  dequoy  nous  sommes  admonnestes,  c'est  qu'en  lisant  ces  histoires,  qu'en  premier  lieu  (comme  i'ai  dit),  nous  souffrions  que  Dieu  nous  conduise  et  gouverne,  que  nous  le  prions  qu'il  nous  donne  bon  conseil,  a  fin  que  nous  ne  facions  point  de  folles  entreprinses,  et  puis  que  nous  le  prions  qu'il  ameine  toutes  nos  affaires  a  bonne  issue,  comme  c'est  son  office  de  faire  tout  profiter,  car  l'ange  de  Dieu  n'adresse  point  son  propos  ici  seulement  a  Daniel,  mais  a  tous  en  general.  Or  il  est  dit  consequemment,  qu'il  y  aura  un  petit  ietton  qui  viendra  de  la  race  de  la  royne  Berenice,  et  que  ce  ietton  ici  viendra  au  pays  d'Aquilon  de  la  Bise,  c'est  a  dire  au  pays  de  Syrie,  il  viendra  donc:  or  c'estoit  un  autre  roy  qui  s'ap-