38:16  quaenam  consilia  agitaverint  Iudaei:  et  simul  perstringit  eorum  duritiem,  quod  scilicet  huc  et  illuc  deflectendo  confiderent  se  posse  iudicium  Dei  avertere.  Nam  hypocritae  nunquam  nisi  coacti  ascendunt  ad  primam  causam,  hoc  est,  non  agnoscunt,  neque  reputant  manum  percutientis,  quemadmodum  alibi  dicitur:  sentiunt  quidem  mala  sua,  et  cupiunt  adhibere  remedia:  sed  subsidunt  in  solatiis  proximis,  non  student  placare  Deum,  neque  redire  cum  ipso  in  gratiam:  sed  ubi  tantillum  spei  offertur,  statuunt  se  fore  salvos,  si  confugiant  ad  has  vel  illas  latebras.  Hunc  affectum  describit  propheta,  Ut  quid  sedemus,  inquit,  vel,  Ut  quid  habitamus?  Verum  proprie  hoc  loco  significat  desidere.  Ut  quid  ergo  desldemus?  quasi  se  ipsos  damnarent  ignaviae:  quid  sibi  vult  pigritia  haec  nostra?  Sedemus  in  pagis,  qui  expositi  sunt  violentiae  hostium.  Colligite  igitur,  vos,  et  ingrediamur  urbes  munitas:  nos  illic  quiescemus.  Putant  ergo  se  fore  incolumes,  si  ingressi  sint  urbes  munitas.  Postea  Ieremias  ex  opposito  ostendit  quam  stulte  confidant  talibus  asylis  vel  subterfugiis:  Certe,  inquit,  Deus  noster  silere  nos  fecit.  Dixerat  prius,  Ci&>  nKTttl,  et  illic  quiescemus  HD1  significat  silere:  secundo  loco  repetit  idem  verbum,  Certe,  inquit,  Deus  noster  silere  nos  fecit:  sed  contrario  sensu.  Est  igitur  concinna  allusio,  vel  paronomasia  in  verbo  DD1.  Iehovah  ergo  fecit  nos  silere,  vel  quiescere:  vel  excidit  nos,  nam  in  hac  coniugatione  significat  excidere.  Videmus  ergo  ab  una  parte  proferri  quid  animis  Iudaei  conciperent,  nempe  quaerendas  esse  munitiones,  quae  ipsos  protegerent  ab  hostium  impetu.  Deinde  propheta  ex  parte  Dei  ostendit  eos  longe  falli,  quia  Deus  ipsos  quiescere  fecerit  diverso  modo,  nempe  quia  redegit  in  nihilum.  Quiescere  enim  et  silere  dicuntur  mortui.  Denique  tranquillum  statum*  significat  quum  loquitur  in  persona  populi:  interitum  vero  designat  quum  loquitur  ex  Dei  mandato.  Idem  postea  metaphorice  confirmat,  quod  scilicet  Deus  potum  illis  dederit  aquas  sellis,  aut  aquas  venenatas.  Et  adiungit,  Quia  impie  egimus  contra  Iehovam.  Colligere  licet  ex  hoc  postremo  verbo,  prophetam  hic  obire  munus  suum.  Populus  enim  nunquam  sponte  confessus  esset  se  iustas  dare  poenas  scelerum:  sed  propheta  hic  coarguit  eos,  quoniam  sperent  se  fore  tutos,  si  confugiant  ad  urbes  munitas.  Quasi  vero  Deus  non  possit  eos  illuc  usque  persequi.  Dicit  igitur  vindictam  Dei  fore  affixam  ipsorum  tergo:  et  ita,  quocunque  fugiant,  ipsos  fore  malis  omnibus  obnoxius,  quia  secum  ferent  suas  impietates,  et  ita  secum  trahent  iram  Dei.  Sequitur,  15.  Exspectando  pacem  (vel  ad  pacem)  et  non  bonum:  ad  tempus  sanationis,  et  ecce  terror  (aut  turbatio).