35:16  qui  ne  sera  pas  trop  bien  fonde,  babille,  il  ferme  la  bouche  a  ceux  qui  avoyent  plus  de  grace,  et  le  moyen  de  mieux  edifier.  Notons  bien  donc  que  ou  il  n'y  a  point  de  modestie,  le  zele  sera  volage,  et  n'est  point  gouverne  par  l'Esprit  de  Dieu.  Car  l'Esprit  de  Dieu  nous  despartira  bien  de  ses  graces,  mais  il  n'est  iamais  contraire  a  soy.  Puis  qu'ainsi  est  donc  qu'il  est  nomme  Esprit  de  prudence,  il  faut  que  nous  discernions  quand  il  sera  besoin  de  parler,  ou  de  nous  taire.  Il  est  vray  qu'un  homme  pourra  bien  avancer  quelque  bon  propos,  combien  qu'il  ne  soit  point  des  plus  habiles,  et  qu'il  y  en  aura  qui  le  passent:  mais  cependant  si  faut-il  que  ce  soit  en  crainte,  et  qu'il  monstre  qu'il  est  venu  prest  et  appareille  de  profiter,  et  qu'il  aime  mieux  estre  disciple  que  maistre.  Quand  un  homme  y  procedera  ainsi,  combien  qu'il  parle  devant  tous,  il  ne  laissera  pas  d'estre  modeste  et  humble  :  mais  si  un  homme  file  ses  propos,  et  qu'il  n'y  ait  point  de  fin,  et  qu'il  determine  de  toutes  choses:  en  cela  monstre-il  qu'il  y  a  quelque  ambition  vaine  en  luy,  et  au  reste  qu'il  ne  donne  point  lieu  a  la  grace  de  Dieu  comme  il  devroit.  Voila  donc  ce  qui  nous  est  monstre  en  l'exemple  d'Eliu  quand  il  dit,  Qu'il  a  attendu  les  propos  iusques  a  ce  qu'il  y  eust  fin  :  car  il  ne  savoit  pas  encores  ou  la  chose  devoit  venir.  Et  cependant  il  adiouste,  Qu'il  a  porte  l'honneur  a  l'aage:  car  il  voyoit  et  Iob  et  ceux  qui  parloyent  avec  luy  estre  gens  anciens  :  et  pource  que  l'aage  apporte  avec  soy  experience  et  gravite,  Eliu  ne  s'ingere  point,  sachant  que  Dieu  ayant  laisse  vivre  long  temps  en  ce  monde  un  homme,  luy  donne  grace  de  pouvoir  profiter  a  ceux  qui  sont  plus  ieunes:  car  il  a  plus  veu,  et  cependant  aussi  ii  doit  estre  plus  pose,  et  avoir  acquis  quelque  prudence.  Voila  donc  ce  que  nous  avons  a  observer  en  second  lieu:  c'est  a  savoir  qu'Eliu  cognoissoit  que  ceux  qui  parloyent  devant  luy,  estoyent  plus  aagez.  Or  ici  les  ieunes  gens  ont  une  bonne  lecon  et  utile,  moyennant  qu'ils  la  puissent  bien  pratiquer.  Car  (comme  desia  nous  avons  dit)  si  un  homme  a  vescu  longuement,  il  doit  avoir  retenu  ce  que  Dieu  luy  a  monstre  par  usage:  et  cela  luy  doit  servir  non  seulement  pour  soy,  mais  aussi  pour  donner  bons  advertissemens  aux  autres  qui  ne  sont  pas  tant  experimentez.  Il  y  a  aussi  la  gravite  quant  et  quant:  car  les  ieunes  gens  doivent  penser,  Encores  que  Dieu  nous  ait  donne  quelque  esprit,  tant  y  a  que  nous  n'avons