34:16  nous  bat  et  nous  corrige:  bref,  que  nous  pratiquions  bien  ce  que  dit  le  Prophete,  Que  nous  regardions  a  la  main,  et  non  point  aux  pierres  et  aux  dards,  et  aux  coups  de  bastons:  ce  sera  bien  une  consideration  qui  nous  sera  fort  utile.  Voila  encores  que  nous  avons  a  noter,  quand  Iob  ne  dit  pas  simplement,  que  les  meschans  se  sont  ruez  sur  lui,  mais  que  c'est  Dieu  qui  l'a  assiege,  que  c'est  luy-mesmes  qui  l'a  ainsi  livre.  Or  il  adiouste,  Qu'il  a  este  opprime  iusques  au  bout.  Toutes  ces  facons  de  parler  dont  il  use  ici,  tendent  a  ceste  fin-la,  comme  quand  il  dit,  Qu'il  a  este  abbatu,  qu'il  a  este  espouvante,  que  Dieu  Va  saisi  au  col,  qu'il  Va  descire  par  pieces,  qu'il  Va  mis  comme  un  blanc  auquel  Von  tire,  que  ses  archiers  Vont  environne  de  toutes  parts,  qu'il  Va  divise,  voire  et  qu1  il  lui  est  advenu  rompure  sur  rompure.  Iob  par  cela  monstre  qu'il  est  venu  iusques  a  telles  extremitez  d'afflictions,  qu'il  estoit  impossible  de  trouver  creature  plus  pressee  ne  plus  miserable  que  lui.  Car  nous  avons  veu  comme  Dieu  l'avoit  afflige,  tant  en  son  corps,  qu'en  ses  biens,  et  puis  en  sa  femme  propre.  Voila  donc  Iob  qui  se  pouvoit  bien  accomparer  a  un  blanc  auquel  on  tire.  Cass  Dieu  ne  lui  a  point  seulement  envoye  une  espece  de  mal,  mais  il  a  comme  cave  une  fosse  iusques  aux  abysmes,  pour  le  ietter  la  dedans  au  plus  profond.  Et  puis  il  Ta  charge  d'une  telle  pesanteur,  qu'il  estoit  impossible  a  creature  de  porter  cela,  sinon  qu'il  y  eust  une  vertu  plus  grande  qu'humaine.  Et  de  fait  c'a  este  une  chose  miraculeuse  d'avoir  une  telle  constance,  quelques  infirmitez  que  nous  y  voyons.  Car  aussi  quand  Dieu  fortifie  les  siens,  ce  n'est  pas  pour  les  rendre  du  tout  insensibles,  ce  n'est  pas  aussi  pour  leur  oster  toute  foiblesse  :  mais  il  faut  qu'ils  se  cognoissent  tels  qu'ils  sont,  c'est  assavoir,  fragiles,  et  cependant  que  Dieu  subvienne  a  leur  infirmite,  et  qu'il  les  redresse,  quand  ils  sont  abbatus.  Voila  donc  comme  il  en  est  advenu  a  Iob.  Or  cependant  il  met,  Qu'il  a  vestu  un  sac,  et  quHl  a  couvert  sa  teste  de  poudre,  et  qu'il  ne  l'a  point  fait  par  hypocrisie.  Au  reste,  que  toutes  ces  choses-la  ne  lui  sont  point  advenues  pour  ses  forfaits.  Car  on  ne  trouvera  point  (dit-il)  de  rapine  en  mes  mains,  mon  oraison  est  pure.  En  quoy  il  signifie  qu'il  trouve  ces  afflictions  ici  estranges,  veu  qu'il  n'a  pas  offense  Dieu  en  sorte  qu'il  meritast  d'estre  ainsi  traite.  C'est  donc  ceste  tentation  laquelle  nous  avons  veu  souvent  par  ci  devant,  que  Iob  reduit  encores  en  memoire.  Or  maintenant  deduisons  les  choses  par  le  menu,  les  appliquans  a  nostre  usage.  La  similitude  dont  parle  Iob  emporte  une  bonne  doctrine,  C'est  que  Dieu  Va  mis  comme  un  blanc  d'une  bute,  et  qu'il  adresse  ses  archiers  contre  luy,  et  qu'il  Va  environne,