32:16  16.  (Ut  annuntient.)  Clausula  haec  apertissime  confirmat,  in  hoc  totum  esse  prophetam,  ut  in  rebus  turbulentis  compositum  animi  statum  retineant  fideles:  et  quamvis  se  duriter  et  aspere  tractari  videant,  reprobos  vero  potiri  opibus  ac  imperiis,  vegetos  esse,  affluere  deliciis  et  honoribus:  patienter  exspectent,  dum  opportune  discussis  tenebris  lucidum  et  distinctum  ordinem  Deus  restituat.  Nominatim  dicit,  ad  annuntianda  m  quod  rectus  sit:  quia  nisi  res  mundi  ad  votum  nostrum  attemperet,  caro  nostra  non  solum  imaginatur  mundum  ab  eo  negligi,  sed  eum  iniustitiae  insimulat,  ac  si  desereret  suos  cultores,  scelerumque  licentiam  permitteret.  Quod  si  iustitiam  suam  illustrat  Deus,  reprobos  ulciscendo,  certo  statuere  licet,  quidquid  felicitatis  obtinent,  pessimi  exitii  esse  praeludium.  Et  propheta  Deum  appellans  rupem  suam,  se  rursus  includit  in  eorum  numero  quibus  Deus  iustitiam  suam  in  tuenda  eorum  salute  manifestabit.  PSALMUS  XCIII.  ARG-,  Initio  celebrat  immensam  Dei  gloriam,  deinde  addit  fidelem  esse,  ut  suos  nunquam  frustretur,  qui  promissiones  eius  amplexi,  inter  mundi  procellas  et  iactationes,  tranquillis  animis  salutem  exspectans  1.  Iehova  regnavit,  decorem  induit,  induit  Iehova  fortitudinem,  accinxit  se:  etiam  firmavit  orbem,  non  movebitur.  2.  Stabile  solium  tuum,*)  ex  tunc  a  saeculo  tu  es.  1.  (Iehova  regnavit.)  Videmus  quod  nuper  attigi,  in  Dei  potentia  nobis  proponi  fiduciae  materiam:  quia  hinc  ut  plurimum  metus  et  trepidatio,  dum  sua  virtute,  ut  par  erat,  non  induimus  Deum,  maligneque  eum  suo  imperio  spoliamus.  Non  audemus  quidem  palam  id  facere,  sed  si  probe  de  eius  omnipotentia  persuasi  essemus,  contra  omnes  tentationum  insultus  invicta  nobis  fultura  esset.  Verbo  fatentur  omnes  quod  propheta  hic  docet,  Deum  regnare:  sed  quotusquisque  hunc  clypeum,  ut  decebat,  contrariis  mundi  opibus  opponit,  ut  nihil  metuat  quantumvis  formidabile?  Haec  igitur  gloria  Dei  est,  suo  arbitrio  moderari  humanum  genus.  Decorem  et  robur  induere  dicitur,  non  quod  aliquid  in  eo  adventitium  imaginari  oporteat,  sed  ut  re  ipsa  certisque  experimentis  demonstret,  admirabili  iustitia  et  sapientia  se  fovere  humanum  genus.  Porro  Deum  mundi  curam  nunquam  abiicere,  ab  ipsa  creatione  probat.  Et  certe  solus  mundi  adspectus  abunde  ad  testandam  Dei  providentiam  nobis  sufficere  deberet.  Coelum  quo-  *)  Ton  throne  est  stable,  en  marge:  ou  prepare.