31:16  16  ma  premiere  deliberation  il  me  veint  ie  ne  scay  comment  en  l'esprit  de  dresser  en  Latin,  seulement  comme  par  maniere  d'essay,  l'exposition  d'un  Pseaume.  Puis  apres  quand  ie  vey  que  la  chose  rencontroit  selon  mon  desir  beaucoup  plus  que  ie  n'avoye  espere,  le  courage  me  veint:  ainsi  ie  commence  a  essayer  de  faire  de  mesme  en  quelque  peu  d'autres  Pseaumes.  Ce  qu'ayans  apperceu  mes  familiers,  comme  me  tenans  par  ce  moyen  oblige,  prindrent  plus  grande  hardiesse  de  me  soliciter  que  ie  ne  desistasse  point.  Il  y  eut  une  raison  qui  m'y  feit  condscendere,  laquelle  aussi  m'avoit  des  le  commencement  incite  a  faire  ce  premier  essay,  ascavoir  que  ie  doutoye  que  quelque  iour  contre  mon  vouloir,  ou  pour  le  moins  sans  mon  sceu,  ce  qu'on  avoit  recueilli  de  mes  lecons  ne  veinst  a  estre  mis  en  lumiere.  Certes,  ie  puis  bien  dire  que  plustost  ceste  crainte  m'a  tire  a  dresser  l'ouvrage,  que  ie  n'y  ay  este  conduit  de  franche  volonte.  Cependant  a  la  poursuite  et  continuation  i'ay  cognu  plus  asseureement  comment  le  labeur  n'estoit  point  inutile:  et  mesme  i'ay  senti  par  mon  experience  propre  que  i'apporteroye  aux  gens  qui  ne  sont  pas  des  plus  exercitez  une  bonne  aide  pour  entendre  les  Pseaumes.  Au  reste  il  est  difficile  d'exprimer  par  parolles  les  grandes  richesses  et  de  diverses  sortes  qui  sont  contenues  en  ce  thresor:  tant  y  a  que  ie  scay  bien  que  tout  ce  que  i'en  pourray  dire  n'approchera  point  de  l'excellence  de  la  chose.  Mais  pource  qu'encore  vaut  il  mieux  donner  aux  lecteurs  quelque  goust,  avant  plus  petit,  de  la  merveilleuse  utilite  qu'ils  en  receveront,  que  du  tout  n'en  dire  mot,  ie  pourray  toucher  en  brief  ce  que  la  grandeur  de  la  chose  ne  permet  point  de  deduire  parfaitement.  I'ay  accoustume  de  nommer  ce  livre  une  anatomie  de  toutes  les  parties  de  l'ame,  pource  qu'il  n'y  a  affection  en  l'homme  laquelle  ne  soit  yci  representee  comme  en  un  miroir.  Mesme,  pour  mieux  dire,  le  8.  Esprit  a  yci  pourtrait  au  vif  toutes  les  douleurs,  tristesses,  craintes,  doutes,  esperances,  solicitudes,  perplexitez,  voire  iusques  aux  esmotions  confuses  desquelles  les  esprits  des  hommes  ont  accoustume  d'estre  agitez.  Le  reste  de  l'Escriture  contient  les  enseignemens  que  Dieu  a  enioints  a  ses  serviteurs  de  nous  annoncer:  mais  yci  les  Prophetes,  d'autant  que  parlans  a  Dieu  ils  descouvrent  toutes  les  affections  interieures,  appellent  ou  plustost  tirent  un  chacun  de  nous  a  examiner  soy-mesme,  afin  que  rien  de  tant  d'infirmitez  ausquelles  nous  sommes  suiets,  et  de  tant  de  vices  desquels  nous  sommes  pleins,  ne  demeure  cache.  C'est  certes  un  excellent  et  singulier  proufit,  quand  toutes  cachetes  descouvertes,  le  coeur  est  produit  en  lumiere  bien  purge  de  ceste  meschante  infection  d'hypocrisie.  Brief,  si  l'invocation  de  Dieu  est  un  des  principaux