29:16  les  traitte  selon  que  leur  naturel  le  requiert,  et  dit:  Or  bien,  ie  voy  quand  ie  vous  menace  que  vous  n'en  estes  point  fort  esmeus,  et  que  vous  allez  de  mal  en  pis  :  or  ie  vous  declare  que  mon  ire  ne  sera  point  un  fardeau  leger  a  porter,  comme  si  ie  vous  donnoye  quelque  petit  coup  de  verge  en  passant.  Quoy  donc?  Un  feu  qui  consumera  tout,  comme  nous  l'avons  veu  par  ci  devant  au  4.  chap.  Israel,  sache  que  ton  Dieu  est  un  feu  qui  consommera  tout.  Or  cela  notamment  estoit  dit  pour  la  durte  du  peuple  :  car  il  est  certain  que  Dieu  ne  demande  sinon  de  se  monstrer  amiable  envers  nous,  voire  quand  nous  venons  a  luy  avec  toute  mansuetude,  que  nous  sommes  prests  de  suyvre  sa  voix,  que  nous  le  tenons  pour  nostre  Pasteur,  que  nous  luy  sommes  brebis.  Si  cela  est,  alors  Dieu  ne  nous  effrayera  point,  il  ne  se  monstrera  point  terrible  envers  nous.  Mais  quand  il  voit  que  nous  sommes  bestes  sauvages,  et  qu'on  ne  nous  peut  dompter  en  nulle  facon:  alors  il  faut  bien  qu'il  use  de  rigueur,  selon  qu'il  le  dit  au  Pse.  18.  qu'il  sera  dur  a  ceux  qui  le  seront:  et  si  les  hommes  se  monstrent  incorrigibles,  qu'aussi  il  viendra  d'une  facon  aspre  contr'eux,  et  qu'ils  ne  sentiront  en  luy  sinon  toute  frayeur  et  estonnement.  Ainsi  donc  en  est-il  en  ce  passage,  quand  il  dit:  Mon  ire  sera  comme  un  feu  allume:  voire,  et  ne  pensez  point  (dit-il)  que  ie  brusle  seulement  la  chaume  et  la  paille,  car  ce  sera  pour  consommer  la  terre,  il  n'y  aura  montagne  si  dure  qui  ne  tombe  devant  moy:  voire,  iusques  a  tous  leurs  fondemens:  il  n'y  aura  abysme  si  cache,  que  ie  n'entre  iusques  la.  Nous  voyons  maintenant  quel  est  le  propos  ou  l'intention  de  Moyse  en  ce  passage.  Or  par  cela  que  nous  soyons  admonnestez  de  ne  point  tenter  Dieu  :  comme  aussi  l'Apostre  en  l'Epistre  aux  Hebrieux  applique  ce  tesmoignage  que  nous  venons  d'alleguer  a  tel  propos:  Sachez  (dit-il)  mes  amis,  que  Dieu  est  un  feu  consoinmant  :  et  ainsi,  que  nous  cheminions  en  sa  crainte,  que  nous  ne  le  tentions  point:  que  si  tost  qu'il  aura  parle,  que  nous  tremblions,  que  nous  n'attendions  pas  qu'il  ait  rue  de  grands  coups  sur  nos  testes,  mais  que  nous  venions  a  luy  en  toute  obeissance,  que  nous  le  prions  d'avoir  pitie  de  nous:  car  si  nous  le  voulons  gagner  par  obstination,  il  est  certain  que  ceci  n'a  pas  este  dit  sans  cause,  que  l'ire  de  Dieu  est  un  feu  allume  pour  tout  consommer:  et  nous  sentirons,  combien  que  nous  luy  soyons  revesches,  et  qu'il  nous  semble  qu'ayans  le  coeur  enflamme  d'arrogance,  nous  aurons  eomme  des  forteresses,  que  nous  aurons  fait  des  bastillons  et  boulevards  pour  estre  en  grande  seurte:  si  est-ce  que  Dieu  nous  min  era  en  telle  sorte,  que  nous  sentirons  qu'il  n'y  a  dequoy  en  nous  pour  resister:  et  que  nous  n'avons  point  plus  de  vertu  pour  subsister  devant  aon  ire  et  sa  vpirw&a.nc.G.  n  n'an  ra  sta