27:16  retenir.  Mais  d'autre  coste,  sachons  que  s'il  a  fallu  qu'Aaron  passast  par  les  mains  de  Dieu,  d'autant  qu'il  avoit  consenti  au  mal:  et  encores  qu'il  n'y  adhere  point,  s'il  faut  qu'il  soit  puni:  car  ce  consentement  n'est  pas  consentement  a  proprement  parler:  car  Aaron  declairoit:  Que  faites-vous,  povres  gens?  et  se  mocque  mesme  de  leur  idolatrie:  Voici  tes  dieux:  Israel,  qui  font  tire  de  la  terre  d'Egypte.  Comme  s'il  disoit:  Et  un  veau  a-il  este  ton  redempteur?  Aaron  donc  resistoit  a  cela  aucunement:  mais  toutesfois  i'appelle  consentement  quand  il  flechit,  et  qu'il  se  laisse  transporter  de  ceste  impetuosite.  Si  ainsi  est  que  Dieu  ait  puni  son  sacrificateur  Aaron,  apres  l'avoir  esleve  en  une  dignite  si  grande,  et  si  haute:  que  sera-ce  de  nous?  Ainsi  apprenons  de  nous  retirer  du  mal,  et  de  n'y  consentir  aucunement,  si  ne  voulons  estre  enveloppez  en  la  condamnation  des  meschans  :  comme  nous  voyons  qu'il  en  est  advenu  en  partie  a  Aaron.  Ie  di  en  partie:  car  Dieu  a  use  de  misericorde  envers  luy,  d'autant  que  le  chastiment  n'a  este  que  temporel,  qu'il  n'a  este  que  sur  son  corps,  et  quant  a  la  vie  presente.  Et  Dieu  nous  fait  une  grande  grace,  quand  il  nous  punit  en  nos  corps,  la  ou  nous  avions  merite  d'estre  pleinement  exterminez  de  luy  :  et  quand  il  luy  plaist  se  contenter  d'un  chastiment  de  ceste  vie  caduque,  il  monstre  qu'il  veut  user  d'une  grande  douceur  envers  nous.  Mais  tant  y  a  que  nous  meritons  de  perir  avec  les  meschans,  quand  nous  ne  leur  resistons  point,  et  que  nous  ne  sommes  point  separez  de  leurs  ligues,  et  complots:  pour  le  moins  il  faudra  que  nous  en  souffrions  en  nos  personnes,  quant  a  la  vie  presente,  encores  que  Dieu  nous  vueille  espargner,  et  qu'il  se  vueille  monstrer  pitoyable  envers  nous.  Il  reste  la  raison  que  nous  avons  touche,  c'est  qu'il  est  nommement  ici  parle  de  la  lignee  de  Levi  qui  a  este  prise  pour  porter  l'arche  de  Vaillance.  Or  Moyse  notamment  recite  cest  article,  afin  que  nous  cognoissions  que  Dieu  a  par  ce  moyen  authorize  sa  Loy,  quand  il  a  voulu  qu'elle  fust  ainsi  portee,  quelle  estoit  comme  l'enseigne  a  laquelle  le  peuple  se  devoir  retirer.  Nous  avons  desia  veu  au  quatriesme  chapitre  que  Dieu  disoit:  Tu  ne  te  feras  aucune  similitude  ne  remembrance:  car  en  Horeb  tu  as  ouy  la  voix  de  ton  Dieu,  tu  n'as  point  veu  de  figure  humaine,  ni  de  bestes,  ni  de  creature  quelconque:  mais  voici  l'image  de  Dieu,  assavoir  ce  qu'il  a  escrit  de  sa  main,  qui  sont  les  dix  commandemens:  c'est  (di-ie)  une  image  vive,  en  laquelle  il  veut  estre  contemple.  Et  pourtant  i'ay  dit  que  e'est  l'enseigne  qui  est  eslevee  pour  retirer  le  peuple,  ainsi  qu'on  se  retire  sous  l'enseigne  pour  mieux  guerroyer.  Il  a  donc  fallu  que  le  peuple  eust  les  yeux  sur  l'arche  de  l'alliance:  et  sur  tout,  pource  que  les  hommes  ne  sont  pas  si  faciles  de  se  retenir  en  l'obeissance  de