26:16  Mais  si  un  homme  pille  la  substance  de  son  prochain,  quand  le  necessite  n'y  est  pas:  en  cela  voit  on  une  malice  tant  plus  villaine  et  enorme.  Et  ainsi  notons,  que  Dieu  a  voulu  amener  ceste  raison  au  peuple,  afin  qu'il  fust  tant  plus  induit,  et  qu'il  se  disposast  a  faire  ce  qu'il  luy  estoit  commande.  Et  en  cela  voyons-nous  premierement,  comme  Dieu  nous  supporte.  Car  tout  ainsi  qu'un  pere  flattera  son  enfant,  et  qu'il  usera  de  grande  douceur  envers  luy,  combien  qu'il  luy  peust  commander  en  un  mot:  Fay  ceci,  et  cela,  sans  luy  alleguer  raison:  si  est-ce  qu'il  se  monstre  tant  doux  envers  luy,  qu'il  dira:  Mon  enfant,  regarde,  voila  pourquoy  ie  te  commande  telle  chose,  que  mesmes  il  usera  quasi  de  flatteries,  ainsi  est-ce  que  Dieu  nous  supporte  par  sa  bonte  infinie.  D'autant  plus  donc  sommes-nous  villains  de  nostre  coste,  si  nous  ne  souffrons  d'estre  conduits  par  luy  quand  il  si  declare  si  doux  et  amiable  envers  nous.  Or  pour  le  second  notons,  combien  que  nulle  necessite  n'excuse  nos  pechez,  tant  y  a  que  ceux  qui  offensent  sans  estre  poussez  d'une  grande  contrainte,  que  ceux-la  sont  tant  plus  a  condamner.  Comme  quoy?  Si  un  povre  homme  use  de  mauvaise  conscience,  quand  il  n'en  peut  plus,  et  qu'il  ne  sait  que  devenir:  toutesfois  il  sera  condamne  (comme  un  larron  est  punissable  mesmes  devant  les  hommes,  et  par  plus  forte  raison  quant  a  Dieu)  que  sera-ce  si  un  homme  a  qui  Dieu  aura  donne  dequoy,  pille,  et  qu'il  ne  se  contente  iamais,  et  qu'il  ne  demande  que  d'attraper  de  coste  et  d'autre,  et  qu'il  n'ait  point  d'esgard  a  la  benediction  de  Dieu,  mais  qu'il  soit  tousiours  apres  ses  pillages  et  tromperies:  tant  plus  nous  fautil  avoir  un  tel  homme  en  execration,  et  nous  faut  conclurre  qu'il  y  a  une  horrible  vengeance  apprestee  sur  ceux  qui  auront  ainsi  failli  de  leur  bon  gre.  Ainsi  donc  notons,  que  quand  Dieu  nous  a  donne  dequoy  estre  nourris  et  sustantez,  que  par  ce  moyen  la  il  nous  veut  induire  a  estre  plus  amiables  a  nos  prochains,  et  ne  faire  aucun  dommage,  ni  aucune  extorsion  a  personne.  Yoila  comme  les  benedictions  de  Dieu  nous  doyvent  estre  autant  d'instructions  pour  nous  faire  cheminer  en  droicture,  et  ne  rien  attenter  contre  nostre  devoir,  et  ne  point  molester  personne.  Yoila  ce  que  nous  avons  a��  retenir  en  second  lieu.  Du  reste,  nous  ne  le  pourrions  pas  deduire  maintenant:  il  sera  donc  reserve  a  demain.