24:16  16  grassantur  scelerati,  quo  sibi  tranquillitatem  acquirant,  hanc  demum  iustissimam  illis  mercedem  divinitus  rependi,  ut  maior  eos  anxietas  excruciet.  Quidam  vertunt:  Aegyptios  abominatos  fuisse  populum  Israeliticum:  et  ita  apud  Hebraeos  interdum  sumitur  verbum  y)p:  verum  circumstantia  loci  sensum  quem  reddidi  postulat.  13.  Itaque  adegerunt  in  servit.  Docet  Moses  adeo  metu  non  fuisse  ad  clementiam  flexos,  ut  magis  obduruerint  et  stimulati  fuerint  ad  maiorem  immanitatem.  Neque  enim  sentiunt  impii,  dum  illis  infeliciter  cedunt  perversi  conatus,  Deum  sibi  esse  adversum:  et,  si  quando  tangantur  hac  cogitatione,  caecus  tamen  amentiae  impetus  eos  raptat,  ut  non  dubitent,  vel  repugnante  Deo  obstinata  libidine  perrumpere:  sicut  ex  historiae  progressu  melius  liquebit.  Rigor  exactionum  exprimitur,  ubi  dicit  oppressis  amaram  fuisse  vitam,  qua  nihil  est  dulcius.  Extremas  igitur  et  intolerabiles  miserias  fuisse  apparet,  quae  vivendi  taedium  attulerint.  Hoc  idem  aliis  verbis  confirmat:  species  etiam  onerum  commemorat,  quod  miscendo  caemento,  conficiendis  lateribus,  aliisque  similibus  servitiis  addicti  fuerint.  Bis  autem  repetit,  fuisse  tractatos  cum  saevitia:  quod  tantundem  valet  ac  duriter.  15.  Dixit  etiam  Pharao  rex  Aegypti  ad  obstetrices  Hebraeas,  quarum  unius  nomen  erat  Sephera,  alterius  Puah.  16.  Sic  dixit:  Quando  adiuvabitis  ad  partum  Hebraeas,  et  videbitis  in  illis  quod  sit  masculus,  interficite  eum:  si  autem  sit  femina,  vivat.  17.  Timuerunt  vero  obstetrices  Deum,  nec  fecerunt  sicut  praeceperat  illis  rex  Aegypti:  conservaruntque  masculos  in  vita.  18.  Et  vocans  Pharao  obstetrices,  dixit  illis:  Quare  fecistis  rem  hanc,  et  servastis  masculos?  19.  Responderunt  obstetrices  Pharaoni  :  Quia  non  sunt  Hebraeae  mulieres  ut  Aegyptiae:  sunt  enim  vegetae,  et  priusquam  veniat  ad  eas  obstetrix,  pariunt.  20.  Benefecit  ergo  Deus  obstetricibus:  et  multiplicatus  est  populus,  et  roborati  sunt  vehementer.  21.  Et  factum  est,  quia  tinuerunt  obstetrices  Deum,  fecit  illis  domos.  22.  Tunc  praecepit  Pharao  cuncto  populo  suo,  dicens:  Omnem  natum  masculum  in  flumen  proiicite:  omnem  vero  feminam  vivam  servabitis.  15.  Dixit  etiam  Pharao.  A  vi  et  truculentia  aperta,  quae  nihil  profuit,  nunc  descendit  tyrannus  ad  occultas  fraudes  et  insidias.  Foetus  enim  ex  utero  prodeuntes  iubet  clam  interfici:  atque  obstetricibus  mandat  ut  tam  dirae  et  barbarae  crudelitatis  sint  ministrae.  Nullum  tam  detestabile  severitatis  l)  exemplum  a  mundo  condito  legitur.  Contigit,  fateor,  non  semel,  ut  victores  urbe  aliqua  capta,  ne  pueris  quidem  et  infantibus  parcerent:  nempe  in  1)  Lege:  feritatis.